बिचाः

थौंकन्हय् । यौन हिंसा, यौन अपराध तसकं हे चर्चाया विषय जुयाच्वंगु दु । यौन हिंसा धायेबलय् सामान्यतयाः नारीप्रति जुइगु यौन हिंसाया अर्थ जुइ । तर यौन हिंसाया अर्थ नारी प्रति जुइगु हिंसा हे जुइ धइगु मदु । यौनया दृष्टिं मिसातसें मिजंत प्रति जुइगु यौन हिंसा नं यौन हिंसा हे जुइ । तर नारी प्रति जुइगु यौन हिंसा तुलनात्मक रुपं अप्वः […]

यःमरि दयेकाः नइपिं अझ न्हापा बुँ दुपिंसं वा दुकयाः भकारिइ स्वथनाः पुजा याइपिं ज्यापुत जक मखु, नेवाःत सकलें खः । अथे खःसा यःमरिपुन्हि कुन्हु गथे जुयाः ज्यापु दिवस जुल ? यःमरि पुन्हिकुन्हु ज्यापु दिवस हनाः ज्यापुतसें नेवाःतय्गु दथुइ विभाजन हयेगु जकं ज्या यानाच्वंगु मदुला ? १६क्वःगु ज्यापु दिवस हनाच्वंगु इलय् तकं थ्व न्ह्यसः थनीपिं दनि । तर […]

थपाय्जि तःधंगु ज्या यानाः नं मगाःमचाः धइगु दयाच्वनीगु स्वभाविक खः । थन छुं छुं खँ कुलेत स्वयागुया उद्देश्य आकिवं जुइगु थज्याःगु ज्याझ्वः अझ भव्य जुइमा धइगु मनंतुना हे जक खः । आयोजक संस्थाया धिसिलाःगु थां धइगु हे अखिल नेपाल भिक्षु महासंघ खः । नेपालय् जूगु थज्याःगु ज्याझ्वः थेरवादी बौद्धपिनिगु प्रमुखताय् जुइमाःगु व ज्याझ्वलय् महासंघया पदाधिकारीपिं हे सकलें मथ्यनेगुयात […]

न्ह्यखँ स्वनिगः छगू अज्याःगु थाय् खः, गन वलकी सुयातं थनं लिहांवनेगु मंदइमखु । अले स्वनिगःया आदिवासी नेवाःत अज्याःगु समुदाय खः, गुगु समुदायं मेपिंत नं नेवाः जुइत लालायित यानाबी । स्वनिगःदुने शासन यायेत गुलि नं मनूत वल दक्वं स्वनिगःया सौन्दर्यय् मन्त्रमुग्ध जुयाः थन हे थात । अले थन गुलि नं शासन यायेत वःपिं खः कालान्तरय् उपिं नेवाः जुयावन । अले […]

भगवान बुद्धया परिनिर्वाण धुंकाः वसपोलया वचनयात मुंकेगु कुतः तःक्वः जुल । खयेत ला थकालिं कनेगु व क्वकालिं लुमंकातयेगु हे जुयाः नं सलंसः दँतक बुद्ध शिक्षा म्वानाच्वन, तर लिपा च्वयामतसे मगानावन, च्वज्या न्ह्यात । थथे यानाः मुंकातःगु बुद्ध वचनयात त्रिपिटक धाइ । थुकी हे बुद्धं कनाबिज्याःगु चय्प्यद्वः उपदेश दुथ्यानाच्वंगु दु । त्रिपिटकयात स्वब्वय् ब्वथलातःगु दु — विनयपिटक, सुत्तपिटक व अभिधम्मपिटक । […]

थुगुसी स्वक्वःगु नेपालभाषा साहित्य नखःया झ्वलय् ‘सन्ध्या टाइम्स पिथना प्रा.लि. पिकाकः जुयाः पिदंगु जासुसी उपन्याससम्राट भाजु राज साय्मिया झिगूगु कृति ‘तुयुगु अजः’ उपन्यास ब्वनेगु ह्वःताः चूलाःगुलिं जिं थःत भाग्यमानी थें तायेकाः लसतां भय्भय् बीका च्वना । दकलय् न्हापां भाजु राज साय्मियात भिंतुनालिसें दुनुगलंनिसें सुभाय् देछानाच्वना । खतुं वय्कःया ‘योम्ह शत्रु’, ‘पर्दाभित्रको रहस्य’ व ‘मृत्यु महल’ थ्व स्वंगू […]