बिचाः

अन्ततः नेपाल कम्युनष्टि पार्टी (नेकपा) या सचिवालयया निर्णय कथं प्रदेश नं. ३ या नां ‘बागमति’ तयेगु प्रदेश सभाया बहुमतं निर्णययाःगु दु। खतुं प्रदेशया सांसदतय् बहुमतं प्रदेशया नां पहिचानया आधारय् जुइमाः धकाः माग याना वयाच्वंगु खः । तर नेकपां सांसदपिनिगु उगु मागयात हाकुतिनाः पार्टीया सचिवालयं याःगु निर्णय क्वचिनेगु ज्या यात । जातीय पहिचान वा ऐतिहासिक पहिचान सहित प्रदेशया नां तयेमाः धकाः आन्दोलन यानाच्वंपिं नेवाः तामाङलगायत आदिवासी जनजातिया […]

छम्ह धुरन्धर चतुर नेता सु? नां मकाये । थौंकन्हय् जित्तले नेतातय् नां मन्ह्यथनेगु सोचय् । इशारा, इशारां नेतातय् बारे न्ह्यथने । बुद्धिमानतय्त इशारा हे काफि जुइ । हलु धासेलिं कुतिं न्यानाच्वब्न माली मखु। सुयात किकाः खँ धयाच्वन, छिकपिंसं सिइके फइ । विश्वास काये, याये । छम्ह महान नेतां थःगु नुगःखँ खुलस्त यासें धाइ । धाइ, ‘जनयुद्ध जिं पृथ्वीनाराण शाहपाखें उत्प्रेरित जुयाः न्ह्याकागु […]

छगू इलय् नेवाःत तिंतिं न्हुयाः नेवाः स्वायत्त राज्यया माग याःगु खः । अले थःपिं हे जक च्वनाः लखौं नेवाःत दशरथ रंगशालाय् मुनाः नेवाः स्वायत्त राज्यया घोषणा नं याःगु खः । तर आतक नं उगु घोषणा कार्यान्वयनय् धाःसा मवल । थःपिनिगु मागयात संविधानसभाय् प्रतिनिधित्व याइपिं सांसदतय्त ध्वाथुइके मफुगु कारणं हे खइ, आतक नं थ्व माग छगू ल्याखं मागय् हे जक सीमित जुयाच्वन […]

झिंस्वंगू जिल्लायात कःघानाच्वंगु प्रदेशया नां ‘बागमति’ तयेगु प्रस्ताव नेपाल कम्युनिष्ट पार्टीया सचिवालयं यायेवं उकियात कयाः विपक्षी पार्टीया सांसदपिंसं जक मखु स्वयम् नेकपाया सांसदपिंसं तकं विरोध शुरु याना हःगु दुसा मेखे पार्टीया स्थानीय स्तरया कार्यकर्ता तकं उकियात कयाः आन्दोलनय् कुहां वयेगु क्रम शुरु जूगु दु। झिंस्वंगू जिल्ला कःघानाः च्वंगु प्रदेशया पुलांगु मार्गचित्र कथं नेपाल मण्डल खः । गुकिया ऐतिहासिक राजनैतिक म्हसिका दु। […]

भारतनाप सत्तीम्ह काँग्रेसया नेता अमरेश कुमार सिंहया धापू न्यनेगु खःसा संविधान धइगु सत्तारुढ पक्षं थःगु सत्तायात वैधानिकता बीगु नितिं दयेकीगुदस्तावेज खः । देय्या संविधान थुज्वःगु मूल कानुनयात व देय्या शासन गुकथं न्ह्याकीगु धइगु खँ च्वयातःगु सकसिनं माने यायेमाःगु दस्तावेजयात थथे धायेबलय् झीत हे उलि पचे मजू । तर सत्ता व शासनया मिखां स्वयेबलय् वा राजनीतिया मिखां स्वयेबलय् […]

पासा सकसितं माः । सकसियां दइ । दिं सदां उथें जुइमखु । न्ह््यइपु–म्हाइपु जुयाच्वनी । सुख, दुःख, बेदनां थाय् कयाच्वनी । सुख जुइ । न्ह्यइपुसे च्वनी । न्ह्यइपुगु लकस बयान यायेत पासा माः । अथेहे दुःख जुइ । थुगु इलय् थःगु दुःख प्वंके मास्ते वइ, बेदना क्यनेगु इच्छा जुइ । थन नं भिंम्ह पासा ल्ययेमाः, गुम्हेसिनं दुःखया बेदनायात सुखय् हिलाबी । सुखया खँ न्यनाः सुखया अनुभव […]