बिचाः

नेपाःया ग्वसालय् जुयाच्वंगु झिंस्वक्वःगु दक्षिण एशियाली कासा (साग) सफलतापूर्वक न्ह्यानाच्वंगु दु । रंगशाला थेंज्याःगु अतिआवश्यक भौतिक पूर्वाधार तकं इलय् तयार जुइमफुगुलिं थ्वपालय् नं नेपालय् साग जुइ कि मजुइ धयागु अन्यौलता व चिउताःया दथुइ न्ह्याःगु थ्व कासा महोत्सव आः धाःसा बांलाक हे न्ह्यानाच्वंगु दु । थ्व नेपाःया निंतिं सुखद् पक्ष खः । उकिसनं नेपाःया कासामितय्सं पदक त्याकेगुलिइ कीर्तिमान तयेधुंकूगु […]

संगठित धर्मया इतिहास ला नवपाषाण युगय् कृषिया विकासलिसें सुरु जूगु खः । थ्व ल्याखं थुकिया काल झिद्वः दँ न्ह्यः धकाः धायेफु । अझ बौद्ध, जैन, इसाई काल स्वत धाःसा २६०० दँ थुखे जूगु खनेदु । इस्लाम ला १४०० दँ पुलांगु खः । ताओ धर्म इसापूर्व ४ गूगु शताब्दीया खः । तर मनुखं द्यः माने यायेगु धाःसा जंगली युगय् व कबिलाई […]

थौं । देय्या केन्द्रीय विषय प्रधानमन्त्रीया अस्वस्थताया जुयाच्वंगु दु । खतुं । प्रधानमन्त्रीया स्वास्थ्यया समस्या बारे इलय् व्यलय् चर्चा न्यने दइ । तर थुगु पटकय् अस्वस्थता अप्वः जटिल, गम्भिर जूगु खनेदु । व हे कारणं प्रधानमन्त्रीजुया सघन उपचार जुयाच्वंगु बुखँत वयाच्वंगु दु । प्रधानमन्त्री केपी ओली थौं मात्र केपी ओली जुइमखु । देय्या राज्यशक्तिया नायक प्रधनमन्त्री । उकिं केपी ओलीया अस्वस्थता मात्र छम्ह […]

सरकारं हाकनं गुथि विधेयक हयेगु तयारी यानाच्वंगु दु । भूमि सम्बन्धी व्यवस्थायात व्यवस्थापन यायेगु नामय् सरकारं हाकनं विधेयक हयेगु तयारी याःगु खः । न्हापा नं सरकारं विधेयक हःगु खःसा स्वनिगःया थीथी नेवाः खलः पुचःतय्सं उगु विधेयकं नेवाःतय्सं न्ह्याका वयाच्वंगु थीथी जात्रा, पर्व, संस्कृति आदिइ लिच्वः लाइ धासें विरोध यायेवं सरकारं विधेयक लित काःगु खः । वयां लिपा सरकारं […]

अनंदा कृष्णत मलेशियाया व्यापारी । ६८१ अर्ब सम्पत्तिया मालिक । दक्षिण एशियाया हे ९९म्हम्ह तःमिम्ह ब्यापारी । वया छम्ह काय । आजाल श्रीपाने । सन् २००८ पाखे श्रीपाने तन । बौम्हं थः काययात माल । मायेके छ्वत । तर लुइके मफु । छन्हु छम्ह मनुखं बुखँ ज्वनावल । श्रीपाने थेंच्वंम्ह छम्ह थाइल्याण्डय् दु । थाइल्याण्डया विहारय् प्रव्रजित जुयाच्वंम्ह । थ्व खँ न्यनाः बौम्ह उघ्रिमय् थाइल्याण्ड थ्यन । अन […]

थनिं न्याला न्ह्यः स्वनिगःया आदिवासी नेवाः समुदायया गुथि आन्दोलन जूगु, उगु आन्दोलनं बिउगु सन्देश अले नेवाः एकताया सन्देशयात थ्व इलय् नेवाःतय्सं चर्चा यायेगुया नापं नेवाःतय्त आः हाकनं न्हापा थेंजाःगु हे समस्या वयेत्यन धइगु तायेका हःगु दु । न्हापा गुथि आन्दोलनया नेतृत्व याःपिंसं थ्व इलय् छु यानाच्वन, गुथि आन्दोलनय् ख्वाः क्यं वःपिं आः गन सुला च्वन, न्हापा […]