बुखँ

येँ – कोभिडया कारणं नेपालय् सीपिनि ल्याः न्हियान्हिथं हे अप्वया वंगु दुसा संक्रमण जुइपिनि ल्याः नं तच्वया वनाच्वंगु दु । बुधवाः न्हिछिया दुनेजक कोरोनाया कारणं ५८ म्हेसिया ज्यान वंगु दु । नेपालय् कोरोनाया २४ घन्टाया दुने दकलय् अप्वः मनू सीगु थ्व हे खः । अथे हे बुधवाः न्हिछिया दुने ८६५९ म्हेसित कोरोना संक्रमण पुष्टि जूगु […]

येँ – स्वनिगलय् हानं मेगु छवाः निषेधाज्ञा थपे यायेगु निर्णय याःगु दु । म्हिगः येँ, यल व ख्वपया सीडीओतय्गु मंकाः बैठकं थ्व निर्णय याःगु खः । आः हानं ई थपे याः कथं स्वनिगलय् मेगु वैशाख २९ गते तक निषेधाज्ञा कायम याइगु जूगु दु । छवाः न्ह्यः तःगु निषेधाज्ञा कथं थौं चान्हय् १२ बजे थ्व निषेधाज्ञा सिधइगु खः । निषेधाज्ञा […]

येँ – हलिंन्यंकं कोरोना महामारी न्यना वनेवं नेपालय् नं उकियात पनेगु लागिं लकडाउन जुल । थगुने करिब च्याला तक लकडाउन जुल । लकडाउनं यानाः आर्थिक, सामाजिक, पर्यटन फुक्क हे ख्यः अस्तव्यस्त जू वन । थुकिया नापं भारत व मेमेगु देशय् वैदेशिक रोजगारीइ वनाच्वंपिं मनूतय्सं छ्वयाहःगु ध्यबापाखें छेँ चले याये माःपिं मनूतय् परिवारय् तःधंगु मार लाः वन । थुकिं यानाः […]

येँ – प्रधान मन्त्री केपी शर्मा ओलीं थ्वहे वइगु वैशाख २७ गते प्रतिनिधिसभाय् विश्वासया मत कायेगु निर्णय यायेवं आः थःपिं गुकथं न्ह्याः वनेमाली धइगु बारे सहलह यायेत म्हिगः नेपाली कांग्रेसया सभापति शेरबहादुर देउवा व माओवादी केन्द्रया अध्यक्ष पुष्पकमल दाहालया दथुइ खँल्हाबल्हा जुल । सूत्रया कथं निम्ह नेतातय् दथुइ छघौत्या धइथें टेलिफोनय् खँल्हाबल्हा जूगु खः । सोमवाः बहनी […]

येँ – थुगुसी ब्वलंगु कोरोना महामारीइ भारतय् थें नेपालय् नं सी उइथाय् हे मदयेक मनूत सीगु खः लाकि धइगु संकेत ब्वलंगु दु । पशुपतिया विद्युतीय शवदाह गृहय् उइगु लागिं हयातःगु लाश यक्व दयेवं सेनां अन नापसं च्वंगु खुल्ला थासय् हे चिता दयेकाः सी उइगु शुरु याःगु दु । म्हिगः जक अन कोरोनां कयाः सीपिं प्यम्ह मनूया सी […]

प्रधानमन्त्री केपी ओलीं म्हिगः देशवासीया नामय् संवोधन यासें कोरोना महामारीया वासः याकेगु लागिं येँय् १००० हजार बेडया कोरोना उपचार अस्पताल चायेकेगु जानकारी बियादीगु दु । वय्कलं कोरोना महामारी देशय् तःधंक ब्वलनाच्वंगु खःसां थुकियात कयाः सतर्क जुइमाः तर आतंकित धाःसा मजुइत नं इनाप यानादीगु दु । आः कोरोनाया खोप हयेगु लागिं सरकारं चीन व रुसलिसे नं खँल्हाबल्हा यानाच्वंगु […]