बुखँ

येँ- थनया सीघलय् च्वंगु चिभाः चैत्य भिंकेज्या जूगु दु । चीभाः चैत्यया संरक्षण यायेगु ल्याखं सक्रिय चीभाः चैत्य संस्थापाखें सीघलय् च्वंगु श्री शान्तिघट वज्रधातु चैत्य महाविहारया चैत्य चीभाः भिंकेज्या याःगु खः । संस्थापाखें सीघलय् च्वंगु झिंनिगः चीभाः चैत्यया स्यनाच्वंगु गजू दयेकेगु नापं आवश्यककथं भिंकेज्या याःगु खः । महाविहार संघया नायः शुभकाजी शाक्यं सीघः बहाःया चैत्यया गजूत धमाधम स्यना […]

यल- यल महानगरपालिकाया नगर प्रहरीयात नेपालभाषा प्रशिक्षण बिउगु दु । महानगरपालिका अन्तर्गतया नगर सुरक्षा, सामाजिक गतिविधिइ सनाच्वंपिं नगर प्रहरीया निंतिं नेपालभाषा प्रशिक्षण बीगु ज्या जूगु खः । यल महानगरपालिकाय् न्ह्यानाच्वंगु कक्षाय् न्हय्च्याम्ह नगर प्रहरीं नेपालभाषा प्रशिक्षण कयाच्वंगु दु । बाःछियंकं न्ह्याइगु कक्षाय् झिंप्यम्ह मिसापिं सहभागि जुयाच्वंगु दुसा नेवाः भाय् छफुति हे मसःपिं नं प्रशिक्षणय् उत्साहपूर्वक ब्वति कयाच्वंगु दु । […]

येँ -बागमति प्रदेशया मुख्यमन्त्री अष्टलक्ष्मी शाक्यं मन्त्रिपरिषद विस्तार यानादीगु दु । थुकी वय्कलं खुम्ह मन्त्री व प्यम्ह राज्यमन्त्री थपे यानादीगु खः । म्हिगः विस्तार जूगु मन्त्रिपरिषदय् केशवराज पाण्डे भौतिक पूर्वाधार, रचना खड्का आर्थिक मामिला तथा योजना, विजय सुवेदी सामाजिक विकास, शान्तिप्रसाद पौडेल उद्योग, पर्यटन वन तथा वातावरण, प्रदीपकुमार कटुवाल क्षेत्री स्वास्थ्य, येँपाखें निर्वाचित डा. अजयक्रान्ति शाक्य आन्तरिक […]

एजेन्सी- इन्डोनेसियाया राजधानी जाकार्तां पिनेया लागाय् लाःगु टेंगरेंग नांयागु जेलय् मंगलवाः चान्हसिया २ ताः ई पाखे मिं नयाः ४१ म्ह मनू सीगु दु । मिइ लानाः ७० म्ह घाःपाः जूगु दु । घाःपाः जूपिनिगु आइसीयुलय् तयाः वासः यानाच्वंगु दु । जेलया ब्लक सीइ चान्हय् मिं नःगु खः । उगु ब्लकया क्षमता ४० म्ह कैदीतय्गु खःसां […]

येँ – मिसा साहित्यकार मुनां जनकवि दुर्गालाल श्रेष्ठजुया मूपाहाँसुइ जूमपाखें चिनाखँ गोष्ठी याःगु दु । वंगु शनिवाः जूगु ज्याझ्वलय् मदयावंपिं नेपालभाषाया साहित्यकारपिं माणिकलाल श्रेष्ठ, लक्ष्मण राजवंशी, कृष्णप्रकाश श्रेष्ठ, इन्द्र माली, रमापति राज शर्मा व पूूर्ण वैद्यपिंत लुमंकाः श्रद्धाञ्जली देछायेगु व १ मिनेट मौन धारण याःगु खः । मिसा साहित्यकार मुनाया नायः साहित्यकार अञ्जना ताम्राकारं सभा नायःया थासं […]

तालिबान सरकार प्रमुख मुल्लाह मोहम्मद हसन अखुन्द एजेन्सी- अफगानिस्तानय् तालिबानं याःगु सरकार गठन लिपा अमेरिकां चिन्ता प्वंकूगु दु । तालिबानं मंगलवाः सरकार गठनया घोषणा याःगु खःसा तालिबान सरकारय् दुपिं दक्वः दुजःत अमेरिकी सेनायात आक्रमण याःपिं लानाच्वंगुलिं अमेरिकां चिन्तित जूगु खः । अथे हे तालिबानं गठन याःगु सरकारय् मिसापिं छम्ह नं मदुगु खँय् नं थःपिनिगु ध्यान […]