ने. सं. ११४६ अनलागा सप्तमी -

थनिंनिसें मोहनि शुुरु, थौं नःलास्वां पीगु

येँ-नेपाःया तःधंगु नखः मोहनि थनिंनिसें शुरु जूगु दु । झिन्हु तक न्यायेकीगु थ्व नखःया थौं न्हापांगु न्हि खः । थौं सकसियां छेँय् छेँय् नःलास्वां पीगु याइ । थनिंनिसें थीथी गुंगू पीठय् सुथन्हापां नवरथा वनेगु परम्परा दु । मोहनि झिन्हु तक माने याइगु खःसां नेवाःतय्सं अन्तिम स्वन्हुया न्हि कूछिभ्वय्, स्याक्वत्याक्व व चालंयात तःजिक न्यायेकेगु याइ ।