बुखँ

येँ -प्रदेश २ या नां व राजधानी क्वःछीगु बारे सहमति मालेत प्रदेशसभा विशेष समिति नीस्वंगु दु । सभामुख सरोज यादव संयोजक व उपसभामुख उपमा देव सहसंयोजक च्वनेगु कथं संसदीय अध्ययन विशेष समिति नीस्वंगु खः । समितिया दुजलय् उपेन्द्र कुशवाह, किशोरी साह, जगत यादव, दिलिप साह, परमेश्वर साह, बिन्देश्वर यादव, शत्रुधन महतो, शारदा थापा, शिवचन्द्र चौधरी, शैलेन्द्रकुमार यादव, […]

येँ-नेपाल पत्रकार संघया संस्थापक अध्यक्ष सत्यनारायण बहादुर श्रेष्ठया १०६ दँ बुन्हि म्हिगः न्यायेकल । नेवाः पत्रकार राष्ट्रिय दबूया ग्वसालय् नेपाल पत्रकार महासंघया हलय् उगु ज्याझ्वः जूगु खः । ज्याझ्वलय् न्ववासें प्रेस काउन्सिल नेपालया अध्यक्ष बालकृष्ण बस्नेतं सत्य नारायण श्रेष्ठयात पत्रकार महासंघया संस्थापक अध्यक्षया मान्यता बीकेगु ज्याय् काउन्सिलपाखें माःगु ग्वाहालि यायेगु बचं बियादिल । आदिवासी जनजाति पत्रकार महासंघया न्वकु […]

येँ – उदाय समाज मिसा पुचःपाखें थीथी व्यक्तित्वपिंत हनेज्या याःगु दु । पुचःपाखें थःपिनिगु थीथीकथंया ज्याझ्वलय् थीथीकथं ग्वाहालि यानादीपिंत मतिनाया चिं लःल्हासे हनेज्या याःगु खः । समाजया संरक्षक साहु द्रव्यमान सिंह तुलाधर (भाइराजा साहु)या लुमन्तिइ छगू मिनेट मौन धारण यासें ज्याझ्वः न्ह्याःगु खः । पुचःया नायः कीर्ति तुलाधरया सभापतित्वय् जूगु ज्याझ्वलय् पुचःया नायः तुलाधरलिसें न्वकु डा. सुमनकमल […]

येँ – वल्र्ड नेवाः अर्गनाइजेस (डब्लुएनओ)पाखें ‘हलिं नेवाः न्ह्यसः लिसः कासा’यात निरन्तरता बीगु ल्याखं छगू अक्षय कोष नीस्वनीगु जूगु दु । नकतिनि जक न्हापांगु हलिं नेवाः न्ह्यसः लिसः कासा–११४१ सफलतापूर्वक क्वचायेकूगु कासा ग्वसाः खलःया समीक्षा मुँज्याय् कोष संचालन यायेगु विषयय् सहलह जूगु खः। न्ह्यसः लिसः कासापाखें नेवाः भाय्, कला, साहित्य, संस्कृति, संगीत, सम्पदायात विश्वय् प्रवद्र्धन व […]

येँ-  थुगु दँया आईसीटी अवार्ड न्हापांम्ह मिसा कम्प्युटर इन्जिनियर मय्जु गुणकेशरी मानन्धर प्रधानयात लःल्हाःगु दु । वंगु ४ गते जूगु छगू ज्याझ्वःया दथुइ मय्जु मानन्धरयात उगु अवार्ड लःल्हाःगु दु । थीथी विधाय् लःल्हाःगु आईसीटी अवार्ड अन्तर्गत मानन्धरयात ‘वुमन आइकन आईसीटी अवार्ड’ लःल्हाःगु खः । नेपाल दूरसंचार संस्थानया पुलांम्ह निर्देशक तकं जुयादीम्ह वय्कः वुमन इन इन्फर्मेशन टेक्नोलोजी (डब्लुआईआईटी)या संस्थापक […]

येँ – नेवाः देय् दबूया विधान अधिवेशन नेपालगञ्जय् याइगु जूगु दु । उकिया लागिं जुयाच्वंगु सकतां तयारी पूरा जूगु खँ देय् दबूया नायः नरेश ताम्रकारं कनादीगु दु । देय्या हिला वंगु न्हूगु परिस्थिति कथं देय् दबू न्ह्याकेगु लागिं विधान संशोधन यायेत थ्व अधिवेशन यायेत्यंगु खः । थ्वहे पुस १६ गते जुइगु थ्व अधिवेशनय् देय्न्यंकंया ३०० म्ह प्रतिनिधितय्सं ब्वति […]