उदाय समाज मिसा पुचःया हनाज्याझ्वः

येँ – उदाय समाज मिसा पुचःपाखें थीथी व्यक्तित्वपिंत हनेज्या याःगु दु । पुचःपाखें थःपिनिगु थीथीकथंया ज्याझ्वलय् थीथीकथं ग्वाहालि यानादीपिंत मतिनाया चिं लःल्हासे हनेज्या याःगु खः ।

समाजया संरक्षक साहु द्रव्यमान सिंह तुलाधर (भाइराजा साहु)या लुमन्तिइ छगू मिनेट मौन धारण यासें ज्याझ्वः न्ह्याःगु खः । पुचःया नायः कीर्ति तुलाधरया सभापतित्वय् जूगु ज्याझ्वलय् पुचःया नायः तुलाधरलिसें न्वकु डा. सुमनकमल तुलाधरं पुचःया ज्याय् ग्वाहालि यानादीपिंत मतिनाया चिं लःल्हानादीगु खः ।

पुचःया लिउ छ्याञ्जे सुनिला स्थापितया संयोजकत्वय् न्ह्याःगु ज्याझ्वलय् पुचःया ज्याझ्वःयात संयोजन यानादीपिं, आर्थिक ग्वाहालि यानादीपिं, प्रायोजन यानादीपिं, विज्ञापन बियादीपिं, जूम अनलाइनपाखें न्ह्याकूगु ज्याझ्वलय् थीथी विषयय् न्ह्यब्वयादीपिंत मतिनाया चिं लःल्हानाः हनेज्या याःगु खः।

समाजया पदाधिकारीलिसें थीथी कवःया नायः प्रतिनिधिपिनिगु उपस्थिति दुगु खः ।