बुखँ

येँ – नेवाः देय् दबूया आः जुइगु तःमुँज्याय् भाषासेवी पवित्र वज्राचार्यं नायः पदय् उम्मेदवारी बीगु जूगु दु । शनिवाः येँय् जूगु देय् दबूया छगू ज्याझ्वलय् न्ववासें वय्कलं थ्व घोषणा यानादीगु खः । देय् दबुली महासचिव जुयाः ज्या यानादीधुंकूम्ह भाजु वज्राचार्यं थ्व स्वयां न्ह्यः नं दबूया नायः पदय् उम्मेदवारी बियादीधुंकूगु खः । देय् दबुली ताः ई च्वनाः ज्या यानादीधुंकूम्ह […]

यल -यल महानगरपालिका दुनेया स्कुलय् नेपालभाषा ब्वंकेगु निंतिं स्थानीय पाठ्यक्रम तयार जूगु दु । यल महानगरपालिकाया मेयर चिरिबाबु महर्जनयात आइतवाः छगू ज्याझ्वःया दथुइ पाठ्यक्रम लःल्हाःगु दु । स्थानीय पाठ्यक्रम तयारी कमिटीया संयोजक व यल महानगरपालिकाया शिक्षाधिकारी महेन्द्रबहादुर क्षेत्री व सह–संयोजक तुलसीलाल सिंहं पाठ्यक्रम लःल्हानादीगु खः । पाठय्क्रम लःल्हाना कयादिसें मेयर महर्जनं वइगु शैक्षिक सत्रय् हे […]

येँ– अमेरिकी अनुदान सम्झौता एमसिसि संसदपाखें अनुमोदन जूगु दु । अर्थमन्त्री जनार्दन शर्मां एमसिसि सम्झौतायात कयाः संसद न्ह्यब्वःगु १२ बुँदे ब्याख्यात्मा घोषणायात सहलह लिपा आइतवाः बहनी ध्वनीमतया आधारय् जूगु मतदानय् बहुमतं सम्झौता अनुमोदन जूगु खः । एमसिसिया पक्षय् सत्ता गठबन्धनया नेपाली कांग्रेस, नेकपा माओवादी केन्द्र, एकीकृत समाजवादीया सांसदतय्सं ताली थानाः अनुमोदन याःगु खःसा एमालेया सांसदत […]

येँ – येँ महानगरपालिकां नेपालभाषाया माध्यमं ब्वंकाच्वंगु स्थानीय विषय कार्यान्वयनया विद्यमान अवस्था व उकिया चुनौतीया कयाः गहन सहलह यायेगु ज्या जूगु दु । येँ मनपा शिक्षा विभागं निन्हुयंकं छगू गोष्ठी यासें थुकिया बारे सहलह याःगु खः । गोष्ठीइ न्ववासें येँ मनपाया मेयर विद्यासुन्दर शाक्यं स्थानीय सरकारं स्थानीय भाषाया संरक्षण यायेमाः धकाः संविधानय् हे च्वयातःगु जुयाः थःपिंसं संविधानया […]

यल-  येँ महानगरपालिकाया प्रमुख विद्यासुन्दर शाक्यं भगवान बुद्ध नेपालय् जन्म जूुग खःसां थनया विहारत दक्वं मेमेगु देय्या ग्वाहालिं निर्माण जूगु धासें असन्तुष्टि प्वंकादिल । ‘बुद्ध नेपालय् जन्म जूगु धकाः झीसं गर्व यायेगु यानाच्वना । तर, थनया विहारत सुनां दयेकल धकाः न्यन धाःसा गुगुं श्रीलंका, गुगुं थाइल्याण्ड, गुगुं म्यानमार, गुगुं जापानं दयेकस्गु धइगु लिसः वइ । नेपालं हे दयेकूगु […]

एजेन्सी- रुसं युक्रेनयात वार्ताया प्रस्ताव तःगु दु । रुसया राष्ट्रपति भ्लादिमिर पुटिनया प्रवक्ता दिमित्री पेसकोवं आइतवाः मस्कोय् पत्रकारतय्त रुसया प्रतिनिधि मण्डलं युक्रेनलिसे वार्ता यायेत बेलारुसया गोमेलय् वंगु धाःगु खः । तर युक्रेनया राष्ट्रपति भोलोदिमिर जेलेन्स्कीं बेलारुसया भूमिइ रुसलिसे वार्ता यायेत अस्वीकार याःगु दु । जेलेन्स्कीं बेलारुसया भुभागं युक्रेनय् आक्रमण मजूगु खःसा मिन्स्कय् वार्ता जुइफइगु खः […]