बुखँ

एजेन्सी- रुसी सेनां युक्रेनया चिधंगु नगर बुचाय् आमहत्या याःगु धासें अन्तर्राष्ट्रिय समुदायं थुकिया भत्सर्ना याःगु दु । अमेरिकी विदेशमन्त्री एन्टोनी ब्लिन्कनं बुचाय् उखेथुखे मनूतय् सीम्ह हे सीम्ह जक खनेदुगु दृश्य तसकं निराशजनक धाःगु दु । अथेहे जर्मनी, फ्रान्स, ब्रिटेन व नेटोया नेतात स्तब्ध जूगु प्रतिक्रिया बिउगु दुसा युरापेली आयोगया प्रमुखं रुसविरुद्ध थप प्रतिबन्ध तयेगु प्रतिबद्धता प्वंकूगु दु । […]

येँ (नेपालभाषा टाइम्स)÷ पपुवा न्युगिनयात पराजित यासें नेपालं टी–२० त्रिकोणात्मक शृङ्खला त्याकूगु दु । त्रिवि मैदानय् सोमवाः जूगु फाइनल कासाय् दीपेन्द्र सिंह ऐरीं शानदार प्रदर्शन यायेवं नेपाः ५० रनं त्याःगु खः । ऐरीं नेपाःया निंतिं ५४ रन दयेकेगु लिसें प्यंगू विकेट नं काःगु खः । न्हापांगु ब्याटिङ याःगु नेपालं ऐरी थ्वाःगु ५४ रन सहित १६८ रन दयेकूगु खः । […]

येँ – ताःईया अन्यौल व विवाद लिपा म्हिगः अन्ततः मरु सतःया लोकार्पण (उलेज्या) जूगु दु । राष्ट्रपति विद्यादेवी भण्डारीं म्हिगः मरु सतःया मू लुखाय् तयातःगु सिजःपौ उलेज्या यासें थुकिया लोकर्पण यानादीगु खः । लोकार्पणया लागिं काष्ठमण्डप पुनर्निर्माण समितिया नायः राजेश शाक्यं येँ मनपाया मेयर विद्यासुन्दर शाक्ययात मरु सतःया ताःचा लःल्हानादीगु खःसा मेयर शाक्यं उगु ताःचा राष्ट्रपतियात लःल्हासें […]

येँ – वि.सं. २०७२ सालया तःभुखाचय् लानाः पूवंक क्षतिग्रस्त जूगु ऐतिहासिक मरु सतः पुनर्निर्माण लिपा थौं लोकार्पण याइगु जूगु दु । काष्ठमण्डप पुनर्निर्माण समितिं बिउगु जानकारी कथं थौं न्हिनसिया १ ताः इलय् छगू ज्याझ्वःया दथुइ राष्ट्रपति विद्यादेवी भण्डारीं थुकिया लोकार्पण यानादीगु ग्वसाः दु । येँमहानगरपालिकाया पहलय् गठन जूगु काष्ठमण्डप पुनर्निर्माण समितिपाखें मुक्कं स्वदँ व च्याला बिकाः थुकिया […]

येँ- येँ महानगरपालिकां गुंला बाजं खलःयात आर्थिक ग्वाहालि याःगु दु । महानगरपालिकां २३ गू गुंला बाजं खलःयात म्हति निगू लख तका दरं आर्थिक ग्वाहालि बिउगु खः । येँ महानगरपालिकाया प्रमुख विद्यासुन्दर शाक्यं १५ वडा डल्लु आवासय् च्वंगु कसाः ख्यलय् जूगु ज्याझ्वलय् गुंला बाजं खलःया प्रतिनिधियात निगू लख दरं आर्थिक ग्वाहालि लःल्हानादीगु खः । अनुदान वितरण यासे महानगर प्रमुख […]

एजेन्सी- खाद्यान्न व इन्धनया अभावया कारणं तःधंगु विरोध प्रदर्शन सुरु जुइवं श्रीलंकाय् ३६ घौया निंतिं कफ्र्यू घोषणा याःगु दु । थुकिया लिसें सरकारं सामाजिक संजालय् नं पंगः थनाबिउगु दु । राष्ट्रपति गोटाबय राजपक्षं सम्बन्धित निकायया लिखित अनुमति मकासे सुं नं सतक, पार्क, रेल वा समुद्री तटय् वने मदइकथं प्रतिबन्ध तःगु खः । शनिवाः सनिलय्निसें कफ्र्यू […]