बुखँ

येँ (नेपालभाषा टाइम्स)- येँ महानगरपालिकाया प्रवक्ताय् १७ वडाया अध्यक्ष नविन मानन्धर नियुक्त जुयादीगु दु । येँ मनपाया मेयर बालेन्द्र साहं मानन्धरयात प्रवक्ता नियुक्त यानादीगु खः । वडा अध्यक्ष मानन्धर मनपाया सूचना प्रविधि विभागया संयोजक नं खः ।

येँ(नेपालभाषा टाइम्स)- रत्नराज्य लक्ष्मी (आरआर) क्याम्पसया नेपालभाषा विषयया विद्यार्थीतय्सं गुरुपुन्हि हंगु दु । क्याम्पसय् एमए व बीए तगिमय् नेपालभाषा विषय कयाः अध्ययन यानाच्वंपिं विद्यार्थीतय् सहभागिता दुगु खः । क्याम्पस प्रमुख जीवनधर ज्ञवालीया प्रमुख आतिथ्यताय् जूगु ज्याझ्वलय् वय्कलं क्याम्पसय् गुरुपुन्हि हनेगु ज्या यानादीगुलिं विद्यार्थीतय्त सुभाय् देछासे थुकथंया ज्याझ्वःयात निरन्तरता बिया वनेमाःगु खँय् बः बियादिल । लिसें वय्कलं वइगु दिनय् […]

येँ (नेपालभाषा टाइम्स)- स्वनिगःया शान्ति सुरक्षा सम्बन्धी अधिकार लाका काःगु धासें बागमति प्रदेश सरकारं थकिया विरुद्ध कानुनी प्रक्रिया न्ह्याकीगु जूगु दु । प्रतिनिधिसभां येँ, ख्वप व यल जिल्लाया शान्ति सुरक्षा सम्बन्धी फुक्क अधिकार नेपाल प्रहरी मातहतय् वनीगु कथं कानुन दयेकेवं प्रदेश सरकारं थुकिया विरुद्ध कानुनी लँपु ज्वनेगु निर्णय याःगु खः । संविधानया एकल अधिकार सम्बन्धी धलखय् फुक्कं […]

येँ(नेपालभाषा टाइम्स)- श्री केशचन्द्र गुंला बाजं खलःपाखें बाजं गुरु दीपकमान शाक्ययात हनेज्या याःगु दु । वंगु गुरुपुन्हिकुन्हु छगू ज्याझ्वः यासें धाःबाजं गुरु शाक्यया हनेज्या याःगु खः । बाजं खलःया कजि सुजितमान शाक्यया सभापतित्वय् जूगु गुरु हनेज्याय् इतुंबहाःया मू थाय्पा मणिरत्न शाक्य, बाजं खलःया संरक्षकपिं नीलकाजी शाक्य, गिन्दीमान शाक्य पाहांकथं उपस्थिति जुयादीगु खः । खलःया छ्याञ्जे उमेशमान शाक्यं लसकुस […]

येँ महानगरपालिका वडा नं. २०य् च्वंगु थःथिति पुचः मरुहितिपाखें लुम्बिनीइ वज्रयान महाविहारयात आर्थिक ग्वाहालि लःल्हाःगु दु । पुचःपाखें महाविहारया निंतिं निगू लख सछितका दां लःल्हाःगु खः । अथे हे भाजु न्हुछेरत्न व वय्कःया छेँजःपाखें छगू लख व द्वःछि तका दां लःल्हाःगु दु । ज्याथास्थित छुस्याबहालय् वंगु असार २५ गते जूगु ज्याझ्वलय् महाविहारया मू दुजःलिसें आचार्य […]

येँ(नेपालभाषा टाइम्स)- नवनियुक्त संस्कृति, पर्यटन तथा नागरिक उड्डयन मन्त्री जीवनराम श्रेष्ठं नेवाःत नं मन्त्री जुयाः ज्या यायेफु धकाः क्यनेमाःगु ई वःगु दु धयादीगु दु । अथें नं नेवाःतय् उपस्थिति म्हो जक जुइगु व सरकारय् दुपिंसं ज्या नं याये मफु धकाः गुनासो वयाच्वनीगु कारणं आः नेवाःत नं मन्त्री जुयाः ज्या यायेफु धकाः क्यनेमाःगु ई वःगु वय्कलं धयादीगु […]