बुखँ

येँ(नेपालभाषा टाइम्स)-अमेरिकाया न्यूयोर्कय् जूगु हलिं नेवाः दबूया प्यक्वःगु सम्मेलनया झ्वलय् नेपालभाषा चिनाखँ मुँज्या जूगु दु् । चिनाखँ मुँज्याय् अमेरिकाया थीथी सहरय् च्वंपिं नापं नेपालं वंपिं साहित्यकारतय्सं थःथःगु चिनाखँ न्यंकादीगु खः । दबूया वरिष्ठ न्वकु डा. नारायण राजभण्डारीया सभापतित्वय् न्ह्याःगु ज्याझ्वलय् मुक्कं गुम्हेसिनं थःथःगु चिनाखँ वाचन यानादीगु खः । ज्याझ्वलय् अमेरिकाया थीथी सहरय् च्वनादीपिं प्रविण ताम्राकार, निर्मला राजभण्डारी, सिर्जना […]

येँ (नेपालभाषा टाइम्स)÷प्रतिनिधिसभाया महिला तथा सामाजिक समितिं आदिवासी जनजाति आयोग संवैधानिक रुपय् स्थापना जुइधुंकूगु अवस्थाय् आः आदिवासी जनजाति उत्थान राष्ट्रिय प्रतिष्ठान आवश्यक जू कि मजू धकाः सरकारयात न्ह्यसः तःगु दु । समितिया म्हिगः च्वंगु बैठकं उगु प्रतिष्ठानया आवश्यकता आः दनि लाकि मन्त धइगु बारे अध्ययन यानाः लिसः बीत सरकारयात निर्देशन बिउगु दु । समितिया सभापति निरुदेवी पालं […]

यल(नेपालभाषा टाइम्स)- यल महानगरपालिकां नगरया ज्येष्ठ नागरिकयात मोहनिया भत्ता बीगु जूगु दु । यल महानगरं नगरय् बसोबास याना वयाच्वंपिं ७० दँ पुलेधुंकूगु ज्येष्ठ नागरिकयात मोहनि भत्ता वापत म्हति झिद्वः तका बीत्यंगु खः । यल महानगर प्रमुख चिरिबाबु महर्जनं थ्वयां न्ह्यः मोहनिया इलय् अतिरिक्त सुविधा अन्तर्गत न्याद्वः तका बिया वयाच्वंगु खःसा थुगुसी उकी न्याद्वः थप यानाः झिद्वः ताका […]

ख्वप(नेपालभाषा टाइम्स)- मुनि विहार दायक सभा ख्वपया ग्वसालय् वंगु सोमवाः थनया तचपाः (दत्तात्रय) त्वालय् सलां गणेद्यःया देगः न्ह्यःने बुद्ध पुजा जुल । स्थानीय गुंला धलं व्यवस्थापन समितिया ग्वाहालिइ त्वालय् च्वंगु तसकं पुलांगु प्यंगः चैत्य न्ह्यःने बुद्ध पुजालिसें परित्राण पाठ नं जूगु खः । ज्याझ्वलय् विहारया भिक्षु अर्जुनं चैत्य पुजाया महत्वया बारे प्रवचन बियाबिज्याःगु खः । […]

येँ(नेपालभाषा टाइम्स)- चाँगुनारायणया कलश येँय् हःगु दु । चाँगुनारायणया कलश यात्राया झ्वलय् वंगु छुं दिं न्ह्यः कलश यात्रा याःगु खः । चाँगुनारायणया कलश थीथी लागा जुयाः येँया हनुमानध्वाखास्थित तलेजुइ हःगु खः। द्वादशिकुन्हु चाँगुनारायणया मूल पुजारी नारांद्यः व निम्ह भँडेलं लक्ष्मी व सरस्वतिया प्रतीक कलश ज्वनाः चाँगुनारायणनिसें जमः तक हःगु खः । चाँगुनारायणं आलापोट, डाँछी, मूलपानी, गोकर्ण, जोरपाटी, चाबही, […]

येँ (नेपालभाषा टाइम्स)- नेपाल प्रज्ञा प्रतिष्ठान कमलादीइ म्हिगःनिसें नेपालभाषा सफू ब्वज्या शुरु जूगु दु । प्यन्हुयंकं न्ह्याइगु थ्व सफू ब्वज्या आइतवाः क्वचाइ । ब्वज्याय् नेपालभाषाया सफूत आपालं छ्यापं बियाः मीगु ज्या नं जुयाच्वंगु दु । सपूm ब्वज्याया हे झ्वलय् कन्हय् शनिवाः सापारुया लसताय् ख्यालि साहित्य मुँज्या नं जुइत्यंगु दु । न्हिनसिया २.३० ताः इलय् मुँज्या जुइगु खँ धाःगु दु ।