बुखँ

येँ (नेपालभाषा टाइम्स)÷चुनाव लिपा एमालेलिसे जूगु गठबन्धन भंग जुल धइगु जसपा अध्यक्ष उपेन्द्र यादवया धापू न्यनाः नेकपा (एमाले) जिल्ल जूगु दु । यादवया थ्व धापुतिं थः समेत दुगु सरकार गठन यायेगु तयारी यानाच्वंम्ह एमालेयात तःधंगु धक्का लाइगु सम्भावना ब्वलंगु दु । उलि जक मखु, थुकिं यानाः मधेस प्रदेशय् तःधंगु दलया हैसियतं सरकार गठन यायेगु एमालेया मौका समेत […]

येँ(नेपालभाषा टाइम्स)( वइगु थिंलाथ्व यःमरि पुन्हिकुन्हु हनीगु ज्यापु दिवसया निंतिं सुकुन्दा र्‍याली पिथंगु दु । ज्यापु दिवसया प्रचार प्रसारया निंतिं थुगुसी पाःब्वः कयातःगु गोफः त्वालं उगु सुकुन्दा र्‍याली पिथंगु खः । येँ महानगरपालिकाया प्रमुख सुनिता डंगोलं उलेज्या यानादीगु सुकुन्दा ¥याली येँय थीथी लागा चाःहिउगु खः । थुगुसी झिंगुक्वःखुसी हनेत्यंगु ज्यापु दिवसया पाःब्वः लगंस्थित गोफः त्वालं कयातःगु खः । गोफः […]

येँ(नेपालभाषा टाइम्स)-येँ महानगरपालिकां महानगर क्षेत्र दुनेया आकाशे ताँ (आकाशे पुल) तत्काल मर्मत सम्भार यायेमाःगु आवश्यकता जूगु खँ धाःगु दु । महानगरं निजी साझेदारी ज्याझ्वः अन्तर्गत निर्माण जूगु अज्याःगु आकाशे ताँ तत्काल मर्मत यायेमाःगु खँ धाःगु दु । येँ महानगर उपप्रमुख सुनिता डंगोलं सार्वजनिक निजी साझेदारी इकाईया अधिकारीतलिसे जूगु खँल्हाबल्हाया इलय् आकाशे ताँत तत्काल र्मन यायेत इनाप यानादीगु […]

येँ(नेपालभाषा टाइम्स)- युवा बौद्ध समूह येँ व लुम्बिनी नेप्लीज बुद्ध धर्म सोसाइटी युकेया मंकाः ग्वसालय् जूगु च्वखँ (निबन्ध) कासाय् उत्कृष्ट जूपिंत सिरपाः लःल्हाःगु दु । वंगु शनिवाः थनया भृकुटीमण्डपस्थित बुद्ध विहारय् जूगु छगू ज्याझ्वःया दथुइ सिरपाः लःल्हाःगु खः । कासाय् उत्कृष्ट जूपिंत विहारया प्रमुख भिक्षु कोण्डन्य महास्थविरं सिरपाः लःल्हाना बिज्याःगु खः । ‘मानसिक स्वास्थ्यया निंतिं बुद्ध शिक्षा’ विषयय् […]

यल(नेपालभाषा टाइम्स)-बुंगद्यः व बुंगद्यवं ययेकातःम्ह मिसा धयातःम्ह याकःमिसाया मूर्ति किपुलिइ बिज्याकूगु दु । थिंलाथ्व अस्तमिकुन्हु यलया महाबौद्धय् छगू तःजिगु ज्याझ्वः यानाः बुंगद्यः व याकःमिसाया मूर्ति लःल्हाःगु खः । बुंगद्यः व याकःमिसाया मूर्ति किपूया गःछेँस्थित प्यंगःथामय् दयेकातःगु देगलय् बिज्याकेत्यंगु खः । महाबौद्ध सेवा समितिया नायःनापं पुलांम्ह वडाअध्यक्ष शान्तमानन्द शाक्यया सभापपतित्वय् जूगु मूर्ति लःल्हायेगु ज्याझ्वलय् येँ महानगरपालिकाया प्रमुख बालेन्द्र शाह, […]

येँ (नेपालभाषा टाइम्स)-वंगु छुं न्हि न्ह्यवंनिसें भारतीय पक्षलिसे तनावग्रस्त जुयाच्वंगु पश्चिम नेपाःया दार्चुलाय् म्हिगः महाकाली खुसिया सीमा वारी व सीमा पारी अप्पां कयेकाः ल्वापु जूगु दु । भारतं महाकाली खुसिया थःगु सिमानाय् यकःति ढंगं तटबन्ध दयेकेगु शुरु यायेवं नेपाःलिसे तनाव शुरु जूगु खः । थ्वहे झ्वलय् ल्वापु तच्वया वनाः थौं निगू देय्या नागरिकतय् दथुइ अप्पां कयेकाः ल्वापु […]