बुखँ

येँ (रासस)- थगुनेया तुलनाय् वाया उत्पादन अप्वःसां देय्या राष्ट्रिय आवश्यकता धाने यायेत अझं थ्यंमथ्यं प्यंगू लाख ८० हजार मेट्रिक टन जाकी म्हो जुइगु खनेदुगु दु । नेपालय् जाकिया राष्ट्रिय आवश्यकता थ्यंमथ्यं ४० लाख मेट्रिक टन दुगुलिं ३५ लाख २० हजार मेट्रिक टन आन्तरिक उत्पादनपाखें हे वइगु अनुमान दु । लिपांगु इलय् वाया समग्र राष्ट्रिय उत्पादन अप्वःगु व […]

एजेन्सी- संयुक्त राज्य अमेरिकाया न्यूयोर्कय् मनूया सीम्ह ध्वगीका प्राङ्गारिक मल दयेकीगु विधि ‘ह्यूमन कम्पोस्टिङ’यात वैधानिक मान्यता बिउगु दु । आः मनू सीगु छुं ईलिपा न्यूयोर्कय् मनूया म्हयात चा दयेके फइगु जुइ । मनू सीधुंकाः सीम्हेसित ल्हानाछ्वयेगु वा च्याकाछ्वयेगु सिबें थ्व विधि पार्यवरणीय दृष्टिकोणं उपयुक्त खनेदुगु धाःगु दु । थ्व विधियात नेचुरल अग्र्यानिक रिडक्सन अर्थात प्राकृतिक प्राङ्गारिक अपचयन धाइ । […]

येँ (नेपालभाषा टाइम्स)÷निर्वाचन आयोगया प्रमुख निर्वाचन आयुक्त दिनेश थपलियां न्हूम्ह राष्ट्रपति व उपराष्ट्रपतिया निर्वाचन वइगु फागुनय् यायेगु तयारी जुयाच्वंगु खँ कनादीगु दु । राष्ट्रपति विद्यादेवी भण्डारी व उपराष्ट्रपति नन्दबहादुुर पुनया कार्यकाल फागुनं क्वचायेत्यंगुलिं फागुनय् हे निगुलिं पदया निर्वाचन यायेफइगु खँ धयादीगु खः । वय्कलं राजनीतिक दलतय् दथुइ सहमति जुल धाःसा राष्ट्रपति व उपराष्ट्रपति निर्वाचन फागुनय् जुइ धासें […]

येँ (नेपालभाषा टाइम्स)÷ इन्टरनेट सेवा प्रदायकतय्सं गुगुं नं इलय् इन्टरनेट सेवा बन्द जुइ फइगु ख्याच्वः बिउगु दु । इन्टरनेट सेवा प्रदायक संघ नेपाल (आईस्पानं) म्हिगः पत्रकार सम्मेलन यासें नेपाल विद्युत प्राधिकरणं पोल बालं बीगु खँय् यःयःथे याःगु जुयाः इन्टरनेट सेवा हे दी फइगु ख्याच्वः बिउगु खः । पत्रकार सम्मेलनय् न्ववासें आईस्पानया अध्यक्ष सुधीर पराजुलीं विद्युत प्राधिकरणं लाथेपाथे […]

येँ महानगरपालिकां नमुना ब्वनेकुथि संचालनया निंतिं विनियमावली तयारीया ज्या न्ह्याकाच्वंग दु । थज्याःगु ब्वनेकुथिइ ऐतिहासिक सम्पदा संरक्षण, कला, संस्कृति व सहरी कृषियात अध्ययनया विषय दयेकेगु येँ महानगरपालिकाया योजना दु । नमुना विद्यालय संचालनया निंतिं न्हूगु विनियमावली आवश्यक जुइगुलिं व हे कथं ज्या न्ह्यानाच्वंगु येँ महानगरपालिकां धाःगु दु । येँ महानगर दुने दुगु ८९ गू सामुदायिक विद्यालय मध्ये येँ […]

येँ (नेपालभाषा टाइम्स)÷तिंख्यःया चकं दबुली भूमिगत पार्किङ दयेकेगु धकाः येँ महानगरपालिकां याःगु तयारी विरुद्ध सम्पदा अभियन्ता व येँया स्था–नीय जनतां येँ मनपाय् ज्ञापनपौ बिउगु दु । म्हिगः महानगरपालिका ज्याकू पिने करिब घौत्या धर्ना बियाःलि वयां लिपा मनपा ज्याकुथी वनाः ज्ञापनपौ बिउगु खः । शुरुइ ज्ञापनपौ मनपाया मेयर बालेन साहयात बीगु धकाः ज्याझ्वः दुगु खःसां मेयर साह ज्ञापनपौ […]