बुखँ

येँ(नेपालभाषा टाइम्स)- जगतसुन्दर ब्वनेकुथिइ वंगु सोमवाः जूगु छगू ज्याझ्वःया दथुइ किपा च्वज्या कासाय् ताःलाःपिंत सिरपाः व दसिपौ लःल्हात । ब्वनेकुथिया ग्वसालय् वल्र्ड नेवाः अर्गनाइजेसन नेपाः देय् मू कवःया प्राविधिक ग्वाहालिइ खुक्वःगु हलिं नेवाः दिंया लसताय् उगु किपा च्वज्या कासा जूगु खः । ब्वनेकुथिया युकेजीनिसें गुंगू तगिंया ब्वँमि दथुइ उगु किपा च्वज्या कासा जूगु खः । कासाय् प्रिष्मा खड्गी […]

ख्वप(रासस)- दँय्दसं विक्रम संवत्या न्हूदँय् ख्वपवासीतय्सं च्याचा गुन्हुतक परम्परागत तान्त्रिक विधिकथं हनीगु लोकंह्वाःगु बिस्काः जात्रा चैत २७ गतेनिसें शुरु जुइगु जूगु दु । न्हूदँ स्वयां प्यन्हु न्ह्यः भैलः खः सालाः शुरु जुइगु थ्व जात्रा मुख्य यानाः चैत मसान्तय् हलिंपताःसहितया यःसिं थनेगु व बैशाख १ गते न्हिछियंकं यःसिं ख्यलय् यःसिं जात्रा न्यायेकाः बहनिपाखे यःसिं क्वथलाः हनेगु याइ । […]

येँ (नेपालभाषा टाइम्स)÷बागमति प्रदेशय् नेपालभाषा व तामाङ भाषायात नं सरकारी ज्याखँया भाषा दयेकेगु लागिं तयार यानातःगु कानूनया मस्यौदायात कयाः म्हिगः प्रदेश सरकारं सम्बन्धित जातिया थीथी खलः पुचः व विज्ञतलिसे राय सुझाव कायेगु ज्या यात । जावलाख्यःया प्रदेश सुशासन केन्द्रय् जूगु उगु ज्याझ्वलय् नेवाः देय् दबू, तामाङ घेदुङ लिसें बागमति प्रदेश दुने लाःगु थीथी जातीय पुचःया प्रतिनिधि–तय्सं […]

ख्वप (नेपालभाषा टाइम्स)÷ ख्वपया दशनामी सन्यासीतय् सीम्ह ल्हाकेगु ख्वप नगरपालिकास्थित हनुमानघाटय् काठमाडौं उपत्यका विकास प्राधिकरणं दयेकाच्वंगु संरचनायात कयाः विवाद ब्वलंगु दु । वंगु मंगलवाः मदुम्ह छम्ह वृद्धया सीम्ह ल्हाकेत यंकूगु इलय् अन सीम्ह ल्हाकेगु थासय् हे प्राधिकरणं छेँया संरचना दयेकाच्वंगु खंकूगु खः । उकुन्हु अन छझाः विवाद नं जुल । तर मनू सीगु दुःया ई जूगुलिं सीम्ह ल्हाकाः […]

येँ (नेपालभाषा टाइम्स)- स्वनिगः मेयर फोरमया अध्यक्षय् यल महानगरपालिकाया मेयर चिरिबाबु महर्जनयात ल्यःगु दु । स्वनिगःया महानगरपालिका, उपमहानगरपालिका व नगरपालिकाया प्रमुखपिं दइगु उगु फोरमया उपाध्यक्षय् वासुदेव थापा सूर्य विनायक, महासचिव घनश्याम गिरी चन्द्रागिरी, सचिवय् प्रकाश अधिकारी तोखा, कोषाध्यक्षय् कृष्णहरि महर्जन तारकेश्वर व सहसचिवय् सुरेन्द्र श्रेष्ठ थिमि च्वनादीगु दु । वंगु बिहीवाः क्वचाःगु फोरमया बैठकं न्हूगु कार्यसमिति ल्ययेगुया […]

येँ (नेपालभाषा टाइम्स)- नेपाली सेनाया नेतृत्व ‘हिमाल बचे यायेगु कुतः’ धयागु नारा बियाः जुयाच्वंगु हिमाल सरसफाइ अभियानय् कोकाकोला फाउन्डेसनं थुगुसी नं ग्वाहालि याःगु दु । कोकाकोला फाउन्डेसनं थ्व अभियानय् मू दाता कथं ग्वाहालि याःगु खँ धाःगु दु । थ्व अभियानयात विश्वया हे आःतकया दकलय् तःधंगु हिमाल सरसफाइ अभियान धयातःगु दु । थ्व अभियानया झ्वलय् सगरमाथा, […]