बुखँ

येँ (नेपालभाषा टाइम्स)÷सर्वोच्च अदालतय् प्वनाच्वंगु प्रधानन्यायाधीश छवाःया दुने नियुक्तिया नितिं सिफारिस यायेगु खँय् सत्ता पक्ष व विपक्ष सहमत जूगु दु । प्रमुख प्रतिपक्षी नेता केपी शर्मा ओलीया छेँय् म्हिगः च्वंगु बैठकय् उगु सहमति जूगु खः । म्हिगः ओलीया छेँय् प्रधानमन्त्री लिसें माओवादी केन्द्रया अध्यक्ष पुष्पकमल दाहाल, नेपाली कांग्रेसया सभापति शेरबहादुर देउवा व एमाले अध्यक्ष ओली दथुइ जूगु […]

येँ (नेपालभाषा टाइम्स)- पञ्चायत कालय् थें आः गणतान्त्रिककालय् नं प्रहरी चौकी दुने नेवाः भासं खँ ल्हाये मदु धकाः नेवाःतय्त थःगु मांभासं खँ ल्हायेत पनेगु ज्या जूगु दु । म्हिगः ख्वपया जिल्ला प्रहरी कार्यालय दुने हिरासतय् तयातःपिं बन्दीत नापलाः वंपिं उमि थःथितियात अन कार्यरत प्रहरीं नेवाः भासं खँ ल्हाये दइ मखु धकाः पनेगु ज्या याःगु खः । थःत […]

एजेन्सी- नेपालं ग्वसालय् जुइगु एसीसी प्रिमियर कप मंगलवाःनिसें शुरु जइत्यंगु दु । वैशाख ५ गतेनिसे बैशाखया १८ गतेतक जुइगु थ्व धेंधेंबल्लाःया विजेता एसिया कपया निंतिं छनोट जुइ । थ्व धेंधेंबल्लाखय् १० गू एसोसिएट देशं ब्वति काःगु दु । नेपाः समूह ‘ए’य् लाःगु दु । नेपाःया पुचलय् ओमान, मलेसिया, कतार व साउदी अरेबिया दु । अथेहे […]

येँ(नेपालभाषा टाइम्स)÷ उदाय समाजया नीगुक्वःगु दँमुँज्या कसाःख्यः दलु आवासय् छगू ज्याझ्वःया दथुइ जुल । दँमुँज्याय् थीथी ख्यलय् उत्कृष्ट योगदान बियादीपिं नापं शिक्षा ख्यलय् उत्कृष्ट ल्याः हयादीपिं समाजया जः दुजः व छात्रछात्रापिंत हनेज्यालिसें थीथी सिरपाः नं लःल्हाःगु खः । समाजया नायः डा. रुपज्योति कसाःया सभापतित्वय् जूगु ज्याझ्वलय् पे्रमरत्न स्थापितं लसकुस यानादीगु खः । दँमुँज्याय् समाजया मूछ्याञ्जे रजनी ताम्राकारं वार्षिक […]

ख्वप (रासस)- नेपाःया प्राचीन सहर ख्वपय् दँय्दसं न्हूदँय् ख्वपवासीं च्याचा, गुन्हुतक परम्परागत रुपय् तान्त्रिक विधिकथं हनीगु जात्रा खः बिस्काः । थ्व जात्रा ख्वपय् च्वंपिंसं चैत २७ निसें बैशाख ५ गतेतक हना वयाच्वंगु दु । चैत २७ गते व बैशाख ५ गते भैलः खः सालेगु, चैत मसान्तकुन्हु यःसिंख्यलय् यःसिं थनेगु व बैशाख १ गते न्हिछियंकं जात्रा यानाः सनिलय् […]

येँ(नेपालभाषा टाइम्स)÷थनया श्री भाष्करदेव संस्कारित केशचन्द्र कृत पारावत महाविहार इतुंबहलय् संघदानया निंतिं छगू अक्षय कोष स्वनेगु ज्या जुल । महाविहारया बुसादँयाकुन्हु संघ दान यायेगु ल्याखं इतुंबहाःया संघ थाकुलि स्थविर सानुमान शाक्य, दिवंगत चन्द्रदेवी शाक्य व वय्कःया छेँजःपिंसं अक्षय कोष स्वनादीगु खः । जूगु ज्याझ्वलय् ८,८८,८८८.00 तका दांया अक्षय कोष स्वंगु खः । इतुंबहाःया मू थाय्पा मणिरत्न शाक्यं अक्षय […]