बुखँ

सन सायमि मय्ति अजिमा येँ देय्या पूर्वय् मय्तिइ बिज्यानाच्वंगु दु । मय्ति येँया हनुमानध्वाखां स्वंगू किमि तापाः । थुम्ह अजिमायात पञ्चकौमारी, पञ्चकुमारी, महालक्ष्मी व मैतीदेवी नं धायेगु याः । ‘नरःमितय् त्वरःद्यः, मागःमितय् मय्तिद्यः’ धयागु धापूकथं मागःमितय् आराध्यदेव, हिन्दू व बौद्धमार्गी निखलस्यां श्रद्धापूर्वक पुज्याना वयाच्वंम्ह तान्त्रिकद्यः मय्तिइ दाचि अप्पा दयेकाः धातुया पौ, पताः छानाः लुं सियां गजू छानाः छत्रंकुइका […]

येँ (रासस)÷राष्ट्रिय समाचार समिति (राससं) नेपालभाषा, मैथिली भाषा व अवधि भाषाया समाचार निःशुल्क बीगु जूगु दु । राससया कार्यकारी अध्यक्ष धर्मेन्द्र झाया अध्यक्षताय् च्वंगु सञ्चालक समितिया बैठकं म्हिगःनिसें राससय् दर्ता जुइगु नेपालभाषा, मैथिली व अवधि भाय्या प्रकाशन गृह लिसें प्रसारण गृह (छापा, डिजिटल पत्रपत्रिका व श्रव्य लिसें श्रव्यदृश्य) यात निःशुल्क समाचार सेवा बीगु निर्णय याःगु खः । […]

येँ (नेपालभाषा टाइम्स)- नेपाल संवत न्हूदँ राष्ट्रिय समारोह समिति ११४५ या नायः राजेन्द्र प्रसाद श्रेष्ठं म्हिगः राष्ट्रपति रामचन्द्र पौडेलयात नापलानाः न्हूदँया भिंतुना देछानादिल । म्हिगः सुथय् राष्ट्रपति निवास शीतल निवास झायाः वय्कलं राष्ट्रपति पौडेलयात भिंतुना देछानादीगु खः । उगु इलय् नायः श्रेष्ठं राष्ट्रपति पौडेलयात न्हूदँया लसताय् “नेपाः डे” हनेत व राज्यस्तरं हे न्हूदँया ज्याझ्वः यायेत इनाप यानादीगु […]

येँ(नेपालभाषा टाइम्स)- नेवाः न्ह्यलुवा लिसें वरिष्ठ मानव अधिकारवादी नेता पद्मरत्न तुलाधर व वय्कःया जहान नीलशोभा तुलाधरया नामं नीस्वनातःगु ‘नील–पद्म सिरपाः’ जनकवि दुर्गालाल श्रेष्ठयात लःल्हात । तुलाधरया खुक्वःगु लुमंति न्हिया लसताय् म्हिगः थनया शंखधर पार्क दुने वय्कःया झ्वाता न्ह्यःने जूगु ज्याझ्वलय् प्रधानमन्त्री केपी शर्मा ओलीं जनकवि श्रेष्ठया कायभाजु सुमन श्रेष्ठयात ५० द्वः तकाया उगु सिरपाः लःल्हानादीगु खः । […]

येँ (नेपालभाषा टाइम्स)- सरकारं थःपिंत बेवास्ता यासें माग सम्बोधन मयाःगु धासें सहकारी पीडिततय्सं हाकनं वृहत राष्ट्रिय आन्दोलन याइगु जूगु दु । सहकारी बचतकर्ता संरक्षण राष्ट्रिय अभियानं म्हिगः विज्ञप्ति पिकासें सरकारं बचतकर्ताया ध्यबा लितबीगु जिम्मा मकाःतले थःपिनिगु ध्यबा लिहां वइगु अवस्था खनेमदु धासें आन्दोलन यायेमाःगु अवस्था वःगु खँ धाःगु दु । सरकारं थःपिनिगु ध्यबा लित बीत गम्भीर जुइमाः […]

यल (नेपालभाषा टाइम्स)- यल महानगरपालिका १६ वडाया दौबहालय् कन्हय् व कंस बहनी व्यापारिक मेला जुइगु जूगु दु । मेलाया झ्वलय् स्थानीय जात्रा, वसः, म्हसीका व संस्कृति न्ह्यब्वयेगु लिसें स्थानीय उत्पादनया बजारीकरण यायेगु आज्जु तयातःगु दु । यल मनपा १६ वडा महिला समितिया ग्वसालय् बहनी ४ बजे निसे ९ बजे तक व्यापार मेला यायेत्यंगु खँ वडा अध्यक्ष निर्मलरत्न […]