दुर्गालालयात नील–पद्म सिरपाः
येँ(नेपालभाषा टाइम्स)- नेवाः न्ह्यलुवा लिसें वरिष्ठ मानव अधिकारवादी नेता पद्मरत्न तुलाधर व वय्कःया जहान नीलशोभा तुलाधरया नामं नीस्वनातःगु ‘नील–पद्म सिरपाः’ जनकवि दुर्गालाल श्रेष्ठयात लःल्हात ।
तुलाधरया खुक्वःगु लुमंति न्हिया लसताय् म्हिगः थनया शंखधर पार्क दुने वय्कःया झ्वाता न्ह्यःने जूगु ज्याझ्वलय् प्रधानमन्त्री केपी शर्मा ओलीं जनकवि श्रेष्ठया कायभाजु सुमन श्रेष्ठयात ५० द्वः तकाया उगु सिरपाः लःल्हानादीगु खः ।
पद्मरत्न तुलाधर स्मृति राष्ट्रिय प्रतिष्ठान व पद्मरत्न लुमंति गुथिया मंकाः ग्वसालय् जूगु उगु ज्याझ्वलय् प्रतिष्ठानया नायः गौरी प्रधान, लुमंति गुथिया नायः डा. केशवमान शाक्य, मैथिली नेता अमरेशनारायण झा लिसें तुलाधरया म्ह्याय्मय्जु सुम्निमा तुलाधरं न्ववानादीगु खः ।
LEAVE YOUR COMMENTS