बुखँ

येँ(नेपालभाषा टाइम्स)- पाल्पाया रामपुरय् नेवाः समुदायया कला संस्कृति ल्यंकेगु ल्यखं नेवाः सांस्कृतिक संग्रहालय निर्माणया ज्या न्ह्याकूगु दु । नेवाः समाज रामपुर पाल्पां रामपुर नगरपालिकाय् नेवाः समुदायया कला, संस्कृति ल्यंकेगु ल्याखं नेवाः सांस्कृतिक संग्रहालय निर्माणया ज्या न्ह्याकूगु खः । समाजं रामपुर नगरपालिका ४ वडाया गैराबारीइ नेवाः सांस्कृतिक संग्रहालय निर्माण यायेत्यंगु खः । समाजया नायः बाबुराम श्रेष्ठं […]

येँ(नेपालभाषा टाइम्स)-न्हापांगु पलाः नांया संस्थापाखें नेपाल संवत् ११४५ न्हूदँया लसताय् भिंतुना कालबिल ज्याझ्वः याःगु दु । संस्थापाखें क्वहिति बहालय् समाजया थीथी ख्यःया प्रतिष्ठित व्यक्तित्वपिनिगु उपस्थितिइ उगु ज्याझ्वः याःगु खः । ् ज्याझ्वलय् मूपाहांकथं पूर्व संघीय मन्त्रीलिसें सांसद विराजभक्त श्रेष्ठ झायादीगु खः । ज्याझ्वलय् नवासें सांसद श्रेष्ठं स्वतन्त्र व निष्पक्ष धंगः जनताया सेवा याइपित राजनीतिक दलपाखें […]

येँ (नेपालभाषा टाइम्स)- नेकपा एमालें किपू नगरपालिकाया मेयर पदय् डा. सुरेन्द्र मानन्धरयात थनीगु जूगु दु । एमालेया येँ जिल्ला कमिटीया बुधवाः च्वंगु बैठकं मंसिर १६ गते जुइत्यंगु उपचुनावया निंतिं येँ दुने लाःगु प्यंगुलिं स्थानीय तहया उम्मेदवारत क्वःछिउगु खः । बैठकं किपूया मेयर पदय् डा. मानन्धरया लिसें १ वडाया अध्यक्षय् हर्ष महर्जन व ४ वडाया अध्यक्ष बद्री बुढाथोकीयात […]

जिमि बाज्यां मुलय् तयाः कनातःगु बाखं भक्तिमाया महर्जन, (७६ दँ, येँ ) जिगु जन्म ख्वपया वंशगोपाल त्वालय् जूगु खः । जि मचाबलय् करबजि (कबर्दि), यकंधाला, कानकानपिच्चा, गुच्चा म्हितेगु । न्हापा इही मयाःतले भान्तां लं पुकातइ । इही यातकि पर्सि सिंकी । चाइनिज कापःया ब्लाउज सुयाः फिकी । छपाः ब्लाउजया छम्वह पायम्वह काइगु । न्हूगु ब्लाउज छपाः पुने दतकि पासापिंत क्यंवने हथाय् […]

धर्मेन्द्र झा ‘नहाए–खाए’ लिसें थुगुसीया महापर्व छठ मंगलवाःनिसें सुरु जुइधुंकूगु दु । बुधवाः सनिलय् ‘खरना’ लिसें छेँया थकालि मिसा व मेमेपिं श्रद्धालुपिंसं व्रतलिसें पुजा यायेगु प्रण याइ, अले बिहिवाः सुथय् सूर्ययात सन्ध्याकालिन व शुक्रवाः प्रातःकालिन अघ्र्य बीधुंकाः पारन जुइ । अले जक व्रतालुपिंसं व्रत विसर्जन यानाः छठ नखःयात औपचारिक रुपं क्वचायेकी । थुगुसी जक मखु, […]

यल (नेपालभाषा टाइम्स)÷ नेपाल संवत् ११४५ न्हूदँ व स्वन्ति नखःया लसताय् यल महानगरपालिका १६ वडा कलाकार समितिया ग्वसालय् जूगु निक्वःगु हुलाप्याखं कासाय् आयोना लाखा न्हाप जूगु दु । नीस्वम्ह कासामिं ब्वति काःगु धेंधेंबल्लाखय् ख्वपया आयोनां शिल्ड, दसिपौलिसें ५० द्वः तकाः नगद सिरपा त्याकूगु दु । कासाय् यल चाकुपातया इभान धाख्वा ल्यू, काय्गुननिया लक्कि महर्जन लियांल्यू […]