बुखँ

येँ – वन तथा वातावरणमन्त्री शक्तिबहादुर बस्नेत व संस्कृति, पर्यटन तथा नागरिक उड्डयनमन्त्री रविन्द्रप्रसाद अधिकारी दथुइ निजगढ अन्तर्राष्ट्रिय विमानस्थल क्षेत्रय् लाःगु सिमा पालेगु सम्बन्धी प्रस्ताव तत्काल मन्त्रिपरिषदय् यंकेगु सहमति जूगु दु । म्हिगः वन मन्त्रालयय् जूगु सहलह लिपा निम्ह मन्त्री दथुइ विमानस्थलया सिमा पालेगु सहमति जूगु खः । सहलहय् पर्यटनमन्त्री अधिकारीं उगु प्रस्ताव मन्त्रिपरिषदय् यंकेत वनमन्त्री बस्नेतयात […]

अबुया ख्वाः स्वयेगु दिं नकतिनि सिधल । सकसिनं थःअबुयात साःसाःगु, भिंगु, यःगु मरिचरि, सिसाबुसा नापं थीथीकथंया हलज्वलं तयाः ख्वाः स्वयादिल जुइ ।थौंकन्हय् बजारय् न्हापा न्हापा थेंज्याःगु मरिचरि न्यायेगु मदु । न्ह्याथाय् स्व, न्ह्यागु स्व । मिसावट, अखाद्य वस्तु, रंग ल्वाकछ्यानातःगु व बासि मरिचरियात बांलाक छायेपियाः मीत तयातःगु धइगु समाचार पिहां वयाच्वंगु दु । समाचारय् न्ह्यागु बिउसां न्यायेबलय् उकियात ध्यानय् तयाच्वनी […]

येँ – ल्वाभः ज्वनाः सशस्त्र आन्दोलन यानाच्वंगु थीथी नीस्वंगू विद्रोही पुचःतलिसे सरकारं वार्ता याइगु जूगु दु । वार्ताया निंतिं विप्लव नेतृत्वया नेपाल कम्युनिष्ट पार्टी व सीके राउत लिसें थीथी पुचःलिस स्वापू तयेगु ज्या जुइगु खँ धाःगु दु । तर सरकारं वार्ताया लागिं पहिचान याःगु थ्व फुक्कं पुचःया नां धाःसा सार्वजनिक याःगु मदुनि । प्रतिनिधिसभाया सांसद सोमप्रसाद पाण्डेया संयोजकत्वय् […]

बिमस्टेक सैन्य अभ्यासपाखें नेपाः लिचिल येँ – भारतया पुनाय् म्हिगःनिसें सुरु जूगु बिमस्टेक देय्तय्गु मंकाः सैनिक अभ्यासय् ब्वति कायेगु मखु धकाः अन्तिम इलय् वयाः नेपालं याःगु निर्णयं भारत तम्वःगु संकेत वःगु दु । थ्व निर्णय लिपा खास यानाः नेपालय् च्वनाः नं भारतीय बिचाः पित बीपिं थीथी विज्ञतय्सं नेपाःया थ्व पलाखं यानाः कुटनीतिक ख्यलय् नेपाःया छबी बांमलाइगु […]

येँ –  १३ व १४ दँ दुपिं निम्ह मिसा मस्तय्त बन्धक दयेकाः बलात्कार याःगु द्वपनय् किपुली छम्हेसित ज्वंगु दु । ज्वंम्ह मनू कैलालीइ स्थायी छेँ जुयाः थौंकन्हय् किपुली च्वनाच्वंम्ह २५ दँया हेम खत्री खः । खत्रीयात महानगरीय प्रहरी वृत्त किपुलिं नियन्त्रणय् काःगु खः । खत्रीयात ज्वनाःलि वया लिसें तुं दुम्ह छम्ह मिसा मचाया उद्धार नं याःगु दु । घटना […]

येँ – दँय् न्याद्वः स्वयां अप्वः मनूतय् आत्महत्याया कीर्तिमान सहित नेपाः विश्वय् दकलय् अप्वः आत्महत्या याइगु देय्तय् धलखय् च्यागूगु (८ औं) स्थानय् लाःगु दु । म्हिगः विश्व आत्महत्या विरोधी दिवसया लसताय् थ्व कीर्तिमानया खँ नं सार्वजनिक जूगु खः । नेपालय् लिपांगु इलय् आत्महत्या याइपिनि ल्याः धमाधम अप्वया वनाच्वंगु दु । वंगु दँय् जक नेपालय् आत्महत्या […]