बुखँ

येँ  – शंकास्पद गतिविधि याःगु द्वपनय् प्रहरीं छम्हेसित गोलीं कयेकूगु दु । थनया ग्वंगःबुँइ च्वंगु छगू होटलय् च्वनाच्वंम्ह काभ्रेया अभिलास तामाङयात प्रहरीं गोलीं कयेकाः ज्वंगु खः । येँ प्रहरी परिसरया डीएसपी होविन्द्र बोगटीया नेतृत्वय् वंगु पुचलं होटल नक प्रालिया १०४ नम्बर क्वथाय् वनाः गोलीं कयेकूगु खँ धाःगु दु । तामाङया तुतिइ गोली लाःगु खँ प्रहरीं […]

आः येँय् गुट्खा, चाउचाउ, चकलेटया खोल वांछ्वये मदु येँ – येँ महानगरपालिकां आः छुं न्हिं लिपा हे बिस्कुट, चाउचाउ, पानपराग, चकलेट, गुट्खा नयाः उकिया भ्वं लाथेपाथे वांछ्वइपिंत कारबाही यायेगु तयारी यानाच्वंगु दु । कामनपां छुं न्हि लिपा अज्याःगु नसा ज्वलंया खोल लाथेपाथे वांछ्वइपिंत ५०द्वः तका जरिवाना यायेगु व्यवस्था यायेत्यंगु खः । मनपा वातावरण विभागया प्रमुख हरिकुमार श्रेष्ठया […]

पेरिस – फ्रान्सया राजधानी पेरिसय् भेला जूपिं द्वलंद्वः प्रदर्शनकारीतय्सं राष्ट्रपति इम्यानुएल म्याक्रों विरुद्ध प्रदर्शन याःगु दु । म्हासुगु वसः पुनाः विरोध प्रदर्शनय् कुहां वःपिं इमिसं राष्ट्रपति विरुद्ध तच्वकं नारा नं लगे याःगु खः । लिसें इमिसं राष्ट्रपति म्याक्रोंया राजीनामा नं माग याःगु दु । सरकारं पेट्रोलियम पदार्थय् याःगु मूल्यवृद्धिया विरोधय् फ्रान्सय् ताःई न्ह्यवंनिसें उकथंया विरोध प्रदर्शन जुया वयाच्वंगु […]

ख्वप –  अनौपचारिक क्षेत्र सेवा केन्द्र (इन्सेक) ख्वप कचाया ग्वसालय् नागरिक समाज व संचारकःमि दथुइ छगू अन्तक्र्रिया ज्याझ्वः जुल । जिल्ला समन्वय समितिया ज्याकुथिइ संचार ख्यःया भूमिका व सहकार्य विषयय् उगु अन्तक्र्रिया जूगु खः । अन्तक्र्रिया ज्याझ्वलय् प्रतिनिधिसभा सदस्य महेश बस्नेतं संघ व प्रदेश स्वयां नं स्थानीय तहं थःपिंत सबल व सक्षमलिसें कुशल शासक तायेकीगुलिं समस्या खने […]

येँ –  प्रहरी महानिरीक्षक सर्वेन्द्र खनालं प्रहरी परिसर येँय् नं स्थापना याःगु ‘नागरिक सहायता कक्ष’या उलेज्या यानादीगु दु । नागरिकया गुनासो न्यनेत धासें परिसं उगु कक्षया स्थापना याःगु खः । थ्यंमथ्यं १९ लाख न्यय्द्वः तका दां लागतय् निर्माण याःगु सहायता कक्षा समुदाय–प्रहरी साझेदारी अवधारणाकथं स्थापना याःगु खःसा कक्षपाखें नागरिकं महसुस याये फइकथंया सेवा उपलब्ध याकेत प्रहरी महानिरीक्षक […]

ख्वप –  ख्वप नगरपालिकां गरिब व जेहेन्दार विद्यार्थीयात शैक्षिक त्यासा उपलब्ध याकीगु जूगु दु । ख्वप नगरपालिकाया प्यक्वःगु नगरसभां थ्व सम्बन्धी निर्देशिका पारित याःगु खः । नगरपालिकाया प्यक्वःगु नगरसभां शैक्षिक त्यासा बीगु सम्बन्धी निर्देशिका–२०७५ सर्वसम्मतिं पारित याःगु खः । नगरपालिका विधायन समितिया संयोजक हरिराम सुवालं निर्देशिकाकथं नगरपालिकाया बजेटयात ध्यानय् तयाः विद्यार्थीयात त्यासा बीगु प्रावधान तःगु धासें किस्ताबन्दीइ त्यासा […]