संचारयात कयाः इन्सेकया अन्तक्र्रिया

ख्वप –  अनौपचारिक क्षेत्र सेवा केन्द्र (इन्सेक) ख्वप कचाया ग्वसालय् नागरिक समाज व संचारकःमि दथुइ छगू अन्तक्र्रिया ज्याझ्वः जुल । जिल्ला समन्वय समितिया ज्याकुथिइ संचार ख्यःया भूमिका व सहकार्य विषयय् उगु अन्तक्र्रिया जूगु खः । अन्तक्र्रिया ज्याझ्वलय् प्रतिनिधिसभा सदस्य महेश बस्नेतं संघ व प्रदेश स्वयां नं स्थानीय तहं थःपिंत सबल व सक्षमलिसें कुशल शासक तायेकीगुलिं समस्या खने दयाच्वंगु धासें केन्द्र व प्रदेशसभायात माने मयायेगु प्रवृत्ति बांलाः मजू धयादिल ।

वय्कलं स्थानीय तहं संघ व प्रदेशयात माने याना वनेमाःगु खँय् बः बियादिसें नियत मतसें ज्या यायेगु इलय् जुइगु कमि कमजोरी सह्य जुइ धयादिल । जिल्ला समन्वय समिति ख्वपया प्रमुख नवराज गेलालं ख्वप जिल्ला दुनेया प्यंगू नगरपालिकाया प्यंगू हे कथंया विशेषता दुगु धासें नागरिक व जनप्रतिनिधि निगुलिं निकायय् जवाफदेहिता मदुगु व नगरपालिका स्वयम नं स्वायत्त संस्था मखु धयादिल ।

लिसें वय्कलं संघ, प्रदेश व स्थानीय निकायत थः हे पूर्ण मखुगुलिं छगुलिं मेगु परिपूरककथं ज्या यानाः क्यनेमाःगु सुझाव बियादिल ।
सूर्यविनायक नगरपालिकाया उपप्रमुख जुना बस्नेतं ख्वप देय्यात विकासया लँपुइ न्ह्यःने यंकेगु खःसा सकलें जानाः न्ह्याः वनेमाःगु खँय् बः बियादिल ।

मानव अधिकार संचार संजाल ख्वपया प्रमुख रोशनराज अर्यालया सभापतित्वय् जूगु ज्याझ्वलय् इनसेक ख्वपया प्रतिनिधि सविता केसी, गैसस महासंघ ख्वपया अध्यक्ष सोम शर्मा बजगाइँ, पत्रकार महासंघ ख्वपया पुष्कर बुढाथोकी लगायतं नुगःखँ तयादीगु खः ।

सम्बन्धित बुखँ

LEAVE YOUR COMMENTS