बुखँ

बांलाक ज्या मयाःपिं मन्त्रीत फुक्कं लिकया छ्वइगु येँ – प्रधानमन्त्री केपी शर्मा ओलीं मन्त्रिमण्डल पुनर्गठनया लागिं तयारी यानादीगु खँ सीदुगु दु । पार्टी अध्यक्ष पुष्पकमल दाहाल व ओली दथुइ मन्त्रिमण्डल पुनर्गठन बारे सहलह जुयाच्वंगु खँ सूत्रं धाःगु दु । वइगु चैत १४ व १५ गते येँय् लगानी सम्मेलन क्वचायेवं मन्त्रिमण्डल पुनर्गठन याना छ्वयेगु तयारी यानाच्वंगु खँ सूत्रं […]

ख्वप – नेपालभाषा आन्दोलनया न्ह्यलुवानापं सिद्धिदास प्रतिष्ठान ख्वपया नायः नरेन्द्रभक्त हाडाया न्हापांगु कृति ‘म्हसीका मालेगु झ्वलय्…’ वाङ्मय शताब्दीपुरुष सत्यमोहन जोशीं विमोचन यानादिल । ज्याझ्वलय् नवासें मूपाहां जोशीं छुं नं जाति, इमिगु भाषा व संस्कृति ल्यंकातयेगु खःसा दकलय् न्हापां थःपिंसं थःथःगु मांभाय् ल्हाना वनेमाःगु खँय् बः बियादिसें नेवाःत थःगु भाय् त्वःता वनेत बाध्य जूगुया लिउने राज्यया शिक्षा […]

येँ –  डोटेली समाज काठमाडौंया ग्वसालय् वंगु शनिवाः थनया न्हू बानेश्वरय् छगू हिदान ज्याझ्वः जुल । हिदान ज्याझ्वलय् मूपाहांकथं नेपाल स्वयमसेवी रक्तदाता समाजया केन्द्रीय अध्यक्ष प्रेमसागर कर्माचार्य झायादीगु खः । अप्वःथें ज्याझ्वःया मूपाहांपाखें उलेज्या यानाः न्ह्याकीगु खःसा न्हू बानेश्वरस्थित रत्न राज्यलक्ष्मी उमाविया प्रांगणय् जूगु हिदान ज्याझ्वलय् मूपाहां कर्माचार्यं हिदान यानाः ज्याझ्वः क्वचायेकूगु खः । उगु इलय् वय्कलं १५७ […]

यल – वरिष्ठ कलाकारलिसें उद्यमी राजकुमार शाक्यं सिजः व लीया व्यवसायय् आकर्षण म्हो जुया वंगु खँय् चिउताः प्वंकादीगु दु । पुख्र्यौली पेशा सिजः व लीया थीथी कलात्मक हलंज्वलं दयेका वयाच्वंपिं ताम्राकार समुदाय थौंया इलय् थुगु पेशां पलायन जुइगु क्रम अप्वयेवं वय्कलं उकथंया चिउताः प्वंकादीगु खः । ताम्राकार समाजया व्यवसाय विकास उपसमितिया ग्वसालय् जूगु ‘सिजः व लीया व्यवसायय […]

येँ – नेपाल ललितकला प्रज्ञा प्रतिष्ठानय् सिर्जनात्मक कला महोत्सव–२०७५ अन्तर्गत सिर्जनात्मक कला बारे छगू गोष्ठि जुल । प्रतिष्ठानया वास्तुकला व मेमेगु सिर्जनात्मक कला विभागया ग्वसालय् उगु गोष्ठि जूगु खः । गोष्ठिइ नवानादीपिं वक्तातय्सं देय्या सामाजिक सशक्तिकरणय् सिर्जनात्मक कला विधि प्रभावकारी जुइ धासें कलाकारयात प्रोत्साहन बियाः उकियात व्यवस्थित रुपं न्ह्यःने यंकेमाःगु खँय् बः बियादीगु दु । लिसें गोष्ठिइ सहभागि […]

येँ – शान्ति नायक भगवान गौतम बुद्धया जन्मस्थल लुम्बिनीइ छक्वलं १,११९ म्ह भिक्षुया मंकाः प्रव्रज्या जूगु दु । लुम्बिनीस्थित मायादेवी देगः परिसरय् धार्मिक अनुष्ठानपूर्वक सकसितं चीवर व शिलधारण याकुसे थाइल्याण्डं बिज्याःम्ह भिक्षु थावरं प्रव्रजित यानाबिज्याःगु खः । नेपाःया न्हापांम्ह महासंघनायक नापं ‘अरिय धम्मरक्खित नेपाल बुद्ध शासन वंशालंकारसिरी संघमहानयक अग्गमहापण्डित’ उपाधिपाखें विभूषित जुयाबिज्याःम्ह भिक्षु प्रज्ञानन्द महास्थविरया १२९ क्वःगु […]