बुखँ

येँ – थनिंनिसें येँय् शुरु जूगु लगानी सम्मेलनय् स्वनिगःया आदिवासी नेवाःतय्गु वस्ती, संस्कृति व सभ्यता नष्ट जुइ कथंया ‘विकास’ निर्माणया ज्याय् सुनां नं लगानी मयायेमा धकाः स्थानीय जनतां सरोकार क्यंगु दु । उपत्यकाव्यापी सडक विस्तार पीडित संघर्ष समितिं म्हिगः थन छगू पत्रकार सम्मेलन यासें लगानी सम्मेलन जुयाच्वंगु हे इलय् संयुक्त राष्ट्र संघ लगायत थीथी दाता देय्या […]

येँ – सरकारं विप्लव पुचःयात प्रतिबन्ध तयेधुंकाः विप्लवया छुं नेता कार्यकर्तातय्सं पार्टी त्वःते फइगु सम्भावना दुगु खँ सीदुगु दु । विप्लव पुचःया स्वनिगःया लिसें केन्द्रीय तहया नेतातय्सं पार्टी त्वःतेत्यंगु खँ सीदुगु दु । सरकारं विप्लव पुचःयात प्रतिबन्ध तयेवं देय्न्यंकंया प्रहरीयात विशेष निर्देशन बियाः विप्लवया कार्यकर्ता ज्वनेगु क्रम अप्वया वनेवं थुकथं पार्टी परित्याग याइपिं नं अप्वये फुगु खँ […]

येँ – म्यान्मारया नांजाःम्ह गुरुमां दो गुणवती मंत । म्यान्मारया नागरिक खःसां वसपोल करिब स्वंगू दशक तक येँय् च्वना बिज्याःगु जुयाः नेवाः भाय् नं बांलाक सः । वसपोल श्रद्धेय धम्मवती गुरुमांया अतिकं मिले जूम्ह सहपाठी नं खः । धम्मवती गुरुमां म्यान्मारय् बुद्ध धर्मया अध्ययन क्वचायेकाः नेपाः लिहां बिज्याःबलय् गुणवती गुरुमां नं नापं बिज्याःगु खः । […]

यल देय्यात ‘कला नगरी’ घोषणा याःगु लसताय् उकियात प्रवद्र्धन यायेगु उद्देश्यं यलय् ‘बृहत कला व सांस्कृतिक महोत्सव’ म्हिगःनिसें शुरु जूगु दु । यल महानगरपालिका वडा नं. १६ य् उगु महोत्सव शुरु जूगु खः । विश्व कला परिषदं वंगु छुं ला न्ह्यव यल महानगरपालिकायात विश्वया ३५ गू कला नगरी घोषणा याःगु खःसा उकियात हे प्रवद्र्धन यायेगु उद्देश्यं उगु […]

येँ – स्वनिगःया अस्तव्यस्त ट्राफिक व्यवस्थापनया निंतिं स्वलाया अभियान न्ह्याकीगु जूगु दु । थ्व सम्बन्धय् जूगु छगू सहलहया इलय् उकिया जानकारी बिउगु खः । स्वनिगःया ट्राफिक व्यवस्थापन सुधार यायेगु ल्याखं तयार याःगु स्वलाया कार्य योजना सम्बन्धय् सरकारी व गैरसरकारी निकाययात जानकारी याकूगु खः । स्वलाया उगु अभियान अन्तर्गत चक्रपथ दुनेया कोरिडोर संचालनय् हयेगु नापं सतक […]

येँ – येँ महानगरपालिकाया सहकारी विभागय् विद्युती प्रणाली शुरु याःगु दु । विभागय् अनियमितताया उजुरी अप्वयेवं आः उकियात निगरानी तयेगु निंतिं विद्युतीय प्रणाली शुरु याःगु खः । येँ मनपा सहकारी विभागया प्रमुख नवराज ढकालं लिपांगु इलय् आवश्यकता स्वयां अप्वः सहकारी संस्थात संचालनय् दयाच्वंगु व दक्वं सहकारीया अवस्था सम्बन्धित थासय् वनाः थुइकेत समस्या जूगुलिं अनलाइनपाखें विभागय् हे दक्वं […]