महानगरया सहकारी विभागय् विद्युती प्रणाली

येँ – येँ महानगरपालिकाया सहकारी विभागय् विद्युती प्रणाली शुरु याःगु दु । विभागय् अनियमितताया उजुरी अप्वयेवं आः उकियात निगरानी तयेगु निंतिं विद्युतीय प्रणाली शुरु याःगु खः ।

येँ मनपा सहकारी विभागया प्रमुख नवराज ढकालं लिपांगु इलय् आवश्यकता स्वयां अप्वः सहकारी संस्थात संचालनय् दयाच्वंगु व दक्वं सहकारीया अवस्था सम्बन्धित थासय् वनाः थुइकेत समस्या जूगुलिं अनलाइनपाखें विभागय् हे दक्वं सहकारीया ज्याखँ स्वये फइगु व्यवस्था मिले यानागु कनादिल ।

सहकारीया समस्यायात कयाः उजुरी तः वइपिं सेवाग्राहीयात लानाच्वंगु समस्याया समाधामन व याकनं सेवा बीगु उघेश्यं विद्युतीय प्रणालीया व्यवस्था यानागु विभागं स्पष्ट याःगु खः । विभागया प्रमुख ढकालं कनादीकथं विद्युतीय प्रणालीया व्यवस्थाया मुख्य उद्देश्य सहकारी अनियमितता बारे वःगु उजुरी संबोधन यायेगु नापं उजरुरी हे म्हो यायेगु खः ।

थौंकन्हय् महानगर दुने बचत तथा ऋण, बहुउद्देश्यीय व विषयगत यानाः १,८५६ सहकारी संचालन जुयाच्वंगु दुसा दक्वं सहकारीया ज्या विभागय् च्वनाः स्वये फइगु व्यवस्था मिले यानातःगु दु ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन