बुखँ

येँ – २५६३ क्वःगु स्वांयाः पुन्हि (बुद्धजयन्ती) म्हिगः देय्न्यंकं तःजिक न्यायेकल । स्वायां पुन्हिया लसताय् म्हिगः थनया स्वयम्भूइ आनन्दकुटी विहारया ग्वसालय् जूगु मूल समारोह समितिइ मूपाहां कथं प्रधानमन्त्री केपी शर्मा ओलीं ब्वति कयादीगु खः । स्वयम्भूइ म्हिगः सुथंनिसें हे बौद्धमार्गीतय् तःधंगु भीड जूगु खःसा अन म्हिगः भगवान बुद्धया अस्थिधातु नं प्रदर्शन याःगु खः । आनन्दकुटीया ज्याझ्वः न्ह्यः बुद्ध […]

येँ-  ३ नम्बर प्रदेशया राजधानी गन तयेगु धइगु बारे नेपाल कम्युनिष्ट पार्टी (नेकपां) ह्विप हे जारी याःसां हेटौंडाय् स्थायी राजधानी जुइगु सम्भावना धाःसा मदुगु खँ धाःगु दु । ३ नम्बर प्रदेशया सांसद विशाल खड्कां ‘नेपालभाषा टाइम्स’ लिसे खँ ल्हासें थ्व दावी यानादीगु खः । वय्कलं आः संसदय् प्रदेशया स्थायी राजधानी बारे सहलह न्ह्यानाच्वंगु व राजधानी ल्ययेगु निंतिं […]

येँ–२२ नम्बर वडाया स्थानीय जनताया माग कथं उगु थासय् परम्परागत लँ चायेका बीत पुनर्निर्माण प्राधिकरण तयार हे दुसां अन उत्पन्न जूगु छगू प्राविधिक समस्यां यानाः लँ दयेकेत थाकुयाच्वंगु खँ प्राधिकरण सूत्रं धाःगु दु । स्थानीय जनतां धयाच्वंगु उगु परम्परागत लँ चायेकेगु लागिं सञ्चय कोषं दयेकातःगु काठमाडौं मलया लिउनेया छगू ब्व नं तछ्यायेमाःगु आवश्यकता दु । उगु ब्वय् […]

येँ – बाखंच्वमि हरिकृष्ण डंगोलया अन्त्येष्टि जुल । थनया लुतिइ वय्कःया अन्तिम संस्कार जुल । वय्कःयात अन्तिम श्रद्धांजलि प्वंकेत लुतिइ नेपालभाषा ख्यःया च्वमि व भाषिक कार्यकर्तात थ्यंगु खः । बाखं च्वमि डंगोल स्वँलाया क्यान्सर ल्वचं शनिवाः सुथय् ११ बजेपाखे मदुगु खः । वंगु चैत्रय् तिनि वय्कःयात क्यान्सर जूगु पत्ता लगे जूगु खःसा अबले तक प्वाःया थीथी अंगय् समेत […]

येँ – महिला जनचेतना समाज व दृष्टि द भिजनया मंकाः ग्वसालय् वंगु शनिवाः छन्हुया निःशुल्क मिखा शिविर ज्याझ्वः जुल । येँ महानगरपालिका २७ वडाया पिगंचुकय् जूगु शिविरय् स्वसः स्वयां अप्वःसिनं मिखाया परीक्षण याकूगु खः । येँ मनपा २७ वडाअध्यक्ष चिनियामान वज्राचार्य मूपाहांकथं झायादीगु ज्याझ्वलय् नवासें वय्कलं थुकथंया सामाजिक ज्याय् स्थानीय सरकार न्ह्याबलें न्ह्यचिला च्वनी धासें माःथाय् माःकथं […]

येँ –  ज्यापु महागुथिया न्हापांम्ह नायः लिसें च्वमि विपेन्द्र महर्जन मंत । वय्कः म्हीग बहनी ७ः३० बजे ८२ दँया वैशय् मदुगु खः । वय्कःयात म्हिगः हे पशुपति आर्यघाटय् अन्त्येष्टि यायेधुंकूगु दु । वय्कलं इतिहास व नेवाः संस्कृति सम्बन्धी आपालं च्वसुत च्वयादीगु दु । वय्कःया छगू बाखं सफूया लिसें ‘नेवाः व नेपाः’ नांया सफू पिहां वयाच्वंगु दु । मदुम्ह महर्जन लुम्बिनीइ […]