बुखँ

‘लँ चायेकेगु सहमति न्हापा हे जूगु दु, आन्दोलन यायेम्वाः’ येँ – उपाकू वनेगु निंतिं धरहरा लागाय् लँ चालीगु खँ २२ वडाया वडाध्यक्ष चिनकाजी महर्जनं कनादीगु दु । म्हिगः ‘नेपालभाषा टाइम्स’ लिसें खँ ल्हासें वय्कलं उगु खँ धयादीगु खः । यँयाः न्ह्यःने वयाच्वंगु इलय् सम्पदाप्रेमीपिंसं उपाकू वनेगु लँ चायेकेमाः धकाः दबाब बियाच्वंगु खःसां उकिया औचित्य मदु धासें वडाध्यक्ष […]

तसकं शक्तिशाली चक्रावत ‘डोरियन’य् लानाः क्याबियन द्वीप बहमासय् तःधंगु क्षति याःगु दु । थ्व समुद्री तुफानं छेँया पौ ब्वयेका यंकूगु दुसा थाय्थासय् खुसिबाः वयाच्वंगु दु । बुलुहुँ न्ह्याः वयाच्वंगु थ्व चक्रावत न्यागूगु श्रेणीया तूफान जूगु खँ धाःगु दु । थ्व चक्रावतयात आःतकया निगूगु दकलय् तःधंगु एटलान्टिक समुद्री तुफान धाःगु दु । थ्व चक्रावतया झ्वलय् २८५ किमि प्रति घन्टाया ल्याखं […]

येँ –  नेपाल स्वयंसेवी रक्तदाता समाज तनहुँ, समाधान अस्पताल व जागौं युवा नेपालया मंकाः हिदान ज्याझ्वः जुल । उगु हिदान ज्याझ्वलय् नेपालय् दकलय् अप्वः हिदान यानादीम्ह प्रेमसागर कर्माचार्यं १५९ क्वःगु हिदान यानादीगु खः । कर्माचार्यं स्वनिगः पिने म्याग्दी, दोल्खा, दाङ, कैलाली, कास्की, रुपन्देही, कपिलवस्तु लगायतया जिल्लाय् तकं वनाः हिदान यानादीधुंकूगु दु । सर्वसाधारणप्रति हिदान यायेमाः धइगु सन्देश प्रवाह […]

यल –  तत्कालीन संघीय समाजवादी पार्टी व नयाँ शक्ति पार्टी, नेपालया ३ नं. प्रदेशस्तरीय समितिया समायोजन जूगु दु । समायोजनकथं निगू पार्टीया एकीकरण लिपा गठन जूगु समाजवादी पार्टी ३ नं. प्रदेश समितिइ सोनाम सिंह स्याङतानयात अध्यक्षय् ल्यःगु दु । वय्कःया अध्यक्षताय् ग्वीगुम्ह दुजः दुगु ३ नं. प्रदेश समिति गठन याःगु खः । न्हू गठन जूगु समाजवादी ३ नं […]

ख्वप – थुगुसी सापारुया झ्वलय् थन छवाःयंकं पिदंगु सांस्कृतिक व आधुनिक विधाया प्रस्तुतिया मूल्यांकनया लिच्वः पिदंगु दु । ख्वप नगरपालिकां सापारुया झ्वलय् पिहां वःगु सांस्कृतिक व आधुनिक ख्यालःया मूल्यांकन यानाः उकिया लिच्वः पित बिउगु खः । लिच्वःकथं विश्वकर्मा भैलः प्याखं खलः न्हाप लाःगु दु । उगु हे खलःपाखें थुगुसी सापारुया झ्वलय् न्ह्यब्वःगु लाखे प्याखं न्हाप लाःगु खः । थुकथं […]

येँ – यँयाः जात्रा न्ह्याकेत धस्वाके माःगु यःसिंया लागिं सिमा पालाः येँपाखे हयेगु शुरु जूगु दु । नालाया यःसिंगुँनिसें म्हिगः साला हःगु यःसिं ख्वपया गट्ठाघरय् थ्यंकाः दिकूगु दुसा थौं हानं सालाः येँया भोताहिति पिने थ्यंकीगु ग्वसाः दु । यःसिं कायेगु लागिं म्हीग केन्द्रीय मानन्धर संघया दुजःत येँनं साइत यानाः पिहां वंगु दु । वय्कःपिं म्हीग हनुमानध्वाखा दुनेया नासः […]