बुखँ

ख्वप – थीथी त्वालय् ब्वयातःपिं यमाःद्यःपिं दुकयाः ख्वपय् नं म्हिगःनिसें विधिवत रुपं यँयाः पर्व क्वचायेकल । थ्व झ्वलय् म्हीग थन पुलुकिसि चाःहिकाः दुकायेगु ज्या जूगु खः । ख्वपय् धाथें पुलुयागु हे पुलुकिसि दयेकाः चाःहीकीगु चलन दु । लिसें त्वाःत्वालय् भैरव ख्वाःपाः दुगु यमाःद्यःत नं ब्वयेगु याइ । येँय् थें लाखे, यःसिं थनेगु ज्या धाःसा जुइ मखु ।

येँ – यलया नेपालभाषा केन्द्रीय विभागय् नेपालभाषां पीएचडी यायेगु लागिं छम्ह तामाङ शोधार्थीं नं नां दर्ता याःगु दु ।तामाङ आन्दोलनया सक्रिय कार्यकर्ता भाजु अजितमान तामाङं नेपालभाषां पीएचडी यायेगु लागिं केन्द्रीय विभागय् थःगु नां दर्ता यानादीगु खँ विभाग सूत्रपाखें सीदुगु दु । भाजु तामाङं ‘दक्षिण एशियाया थीथी लिपि’ धइगु विषयय् शोध यायेगु कथं थःगु नां दर्ता यानादीगु खः । […]

येँ – चाबहीया ऐतिहासिक पीगं द्यःया थासय् च्वंगु सी उइगु दिप संरक्षण यायेत संगठित रुपं न्ह्याः वनेगु निर्णय जूगु दु । म्हिगः चारुमति बिहारय् च्वंगु छगू अन्तक्र्रिया ज्याझ्वलं उगु निर्णय याःगु खः । लिसें दिप बारे अनुसन्धान यायेगु निंतिं छगू विज्ञ पुचः नीस्वनाः ज्या न्ह्याकेगु नं निर्णय जूगु खँ स्थानीय वासिन्दा सचिन शाक्यं ‘नेपालभाषा टाइम्स’ यात कनादिल । […]

आदिवासी व मधेसी समुदायपाखें ब्ल्याक आउट येँ –  संविधान संशोधनया विकल्प मदु धासें यदि संविधान संशोधन मजुल धाःसा तःधंगु दुर्घटना जुइ फइगु ख्याच्वः समाजवादी पार्टीया अध्यक्ष डा. बाबुराम भट्टराईनं बियादीगु दु । म्हिगः बजेट अधिवेशनया लिपांगु संसदया बैठकय् न्ववायेगु झ्वलय् वय्कलं उगु ख्याच्वः बियादीगु खः । वय्कलं आःया संविधानय् आपालं त्रुटि दु धासें धयादी, ‘झीसं संविधान दयेकेगु […]

येँ – प्रहरी महानिरीक्षक सर्वेन्द्र खनालं बहालवाला व सेवानिवृत्त जुइधुंकूपिं अशक्त प्रहरी कर्मचारीयात चारपांग्रे स्कुटर लःल्हानादिल । प्रहरी प्रधान ज्याकुथिइ जूगु ज्याझ्वलय् प्रहरी महानिरीक्षक खनालं स्कुटर लःल्हानादीगु खः । कर्तव्य पालनाया झ्वलय् थीथी कारणं घाःपाः जुयाः अशक्तताया कारणं न्यासि वनेत थाकूपिं पूर्व प्रहरी निरीक्षक रामबहादुर चन्द व केन्द्रीय प्रहरी विशेष कार्यदलय् कार्यरत प्रहरी जवान पासाङ लामायात प्रहरी […]

येँ – सिद्धिदास प्रतिष्ठानया ग्वसालय् महाकवि सिद्धिदास महाजुया १५२ क्वःगु बुन्हि हनेगु झ्वलय् छगू लसता ज्याझ्वः जुल । उगु ज्याझ्वः प्रतिष्ठानया थःगु हे ज्याकू सूर्यविनायकय् जूगु खः । ज्याझ्वलय् नवासें विराट नेपालभाषा साहित्य सम्मेलन गुथिया पुलांम्ह नायः लिसें कवि त्रिरत्न शाक्यं राणा शासनकालय् चन्द्र शम्शेर थेज्याःम्ह क्रुर शासकया इलय् च्वयातःगु सिद्धिदासया हरेक च्वसु विद्रोह व क्रान्तिकारी भावनां […]