बुखँ

येँ – अतिकं महत्वपूर्ण पुरातात्विक हलंज्वलं लुया वःगु कारणं चर्चाय् वयाच्वंगु ग्वल (पशुपति क्षेत्र) या जयबागेश्वरी देगः दुने हानं मेगु छगू महत्वपूर्ण अभिलेख लुया वःगु दु । अन दुने ने.सं ७६४ या छगू ताम्रपत्र लुया वःगु खः । आः तक अप्रकाशित उगु ताम्रपत्र कथं थनिं ३७५ दँ न्ह्यः हे अन जयबागेश्वरीया थ्व देगः बांलाक धस्वायेधुंकूगु खनेदु । देगः […]

येँ – नेपालभाषा केन्द्रीय विभागपाखें थुगुसी पीएचडी यानादीपिं शोधार्थीत मध्ये छम्ह तामाङ भाषी प्रशिक्षार्थी नं लाःगु दु । तामाङ भाषाया नांजाःम्ह च्वमि लिसें अनुसन्धाता भाजु अजितमान तामाङं नं नेपालभाषां पीचएडी यायेगु लागिं तयारी यानादीगु दु । थुगुसी पीएचडीया लागिं आवेदन बिउपिं १२ म्ह शोधार्थी मध्ये खुम्ह जक लिखित परीक्षाय् पास जूगु खः । पास जूपिं मध्ये छम्ह भाजु […]

येँ – शहीद स्मारक ए डिभिजन लिग अन्तर्गत बुधवाः जूगु कासाय् थ्रीस्टारं बिग्रेड ब्वाइजयात बुकूगु दु । दशरथ रंगशालाय् जूगु न्हापांगु कासाय् थ्रीस्टारं ब्रिगेडयात ३–१ गोलं बुकूगु खः । थ्रीस्टारया विजयया निंतिं सुशान्त श्रेष्ठ, अनन्त तामाङ व वासिउ ओलादिरान आजमातं छगू छगू गोल याःगु खः । कासाया १५ औं मिनेटय् सुशान्तं गोल यासें थ्रीस्टारयात अग्रता बिउगु खः । अशोक […]

येँ-‍ सन्तोष साहुखलः ए डिभिजन लिगय् सछिगू गोल पूवंकूम्ह न्हापांम्ह कासामि जूगु दु । च्यासल युथ क्लबं म्हिताच्वंम्ह सन्तोषं म्हिगः नेपाल पुलिस क्लब विरुद्ध जूगु कासाया १८ आंै मिनेटय् गोल यासें थःगु सछिगू गोल पूवंकूगु खः । डेढ दशक न्ह्यवनिसें लिग म्हितेगु सुरु याःम्ह सन्तोषं झिगू लि ग कासा म्हितूगु दु । अखिल नेपाल फुटबल संघ (एन्फा)या आन्तरिक […]

येँ – – नेपालभाषाया नांजाःम्ह कवि सुदन खुसः उसाँय् मदयाः अस्पताल भर्ना जुयादीगु दु । वय्कःयात निमोनिया, स्वासप्रश्वास व दमया ल्वचं कःगुलिं सितापाइलास्थित शुभेच्छा अस्पतालय् भर्ना याःगु खः । शुक्रवाः वय्कःयात अस्पताल भर्ना याःगु खःसां म्हीगंनिसें आईसीयुलय् तयाः उपचार याःगु खँ छेँजःपिंसं धाःगु दु ।

येँ – सिक्किमया नेवाःतय्त नेवाः भाय् स्यनेगु कक्षा हानं शुरु जूगु दु । चिकुलाया इलय् भाय् स्यनेगु कथं वंगु वालय् सिक्किमया सिङतामय् थ्व कक्षा शुरु जूगु खः । नेवाः भाय् ब्वनेकुथिया ग्वसालय् लछियंकं न्ह्याइगु कथं थ्व कक्षा न्ह्याःगु खः । सिक्किम प्रहरीया मोटोर भेहिकल इन्स्पेक्टर महेन्द्र प्रधान मू पाहां कथं झाःगु कक्षाया उलेज्या समारोहय् नांजाःम्ह कलाकार उत्तम कलाकार […]