बुखँ

ख्वप- मैत्रेय युवा संघया नीस्वक्वःगु स्थापना दिवस वंगु शनिवाः जुल । ल्याय्म्हतय्त बुद्ध शिक्षाया माध्यमं चेतनशील दयेकेगु उद्देश्यं थनिं २३ दँ न्ह्यः स्थापना जूगु संघया स्थापना दिवस थथुबहीस्थित जयकीर्ति महाविहारय् जूगु खः । संघया अध्यक्ष जमुना गोसाईया सभापतित्वय् जूगु ज्याझ्वलय् डा. अनोजा गुरुमां मूपाहांकथं बिज्याःगु खः । संघया उपाध्यक्ष लक्ष्मीचन्द्र वज्राचार्यं लसकुस यानादीगु ज्याझ्वः पंचशील ग्रहण […]

यल- यल मनपा व नेपाल विज्ञान तथा प्रविधि प्रज्ञा प्रतिष्ठान (नाष्ट) या प्राविधिक ग्वाहालिइ म्हिगःनिसें छेँय् दयेकीगु लोकल अय्लाः छ्यलाः ‘स्यानेटाइजर’ दयेकेगु तालिम न्ह्याःगु दु । कोरोनाया कारणं बजारय् स्यानेटाइजर अभाव जुइवं थ्व तालिम न्ह्याकूगु खः । विश्व स्वास्थ्य संगठनया मापदण्ड कथं स्यानिटाइजर दयेकेगु तामिल न्ह्याकूगु खः । थ्व स्यानेटाइजरं खुगूनिसें च्यागू सेकन्ड दुने भाइरस निर्मूल याये फइ […]

येँ- विश्वय् न्यना वंगु कोरोना भाइरसं विश्वया सम्पर्क व स्वापूयात तापाका यंकूसां तापानाच्वंपिं सार्क देय्तय्त धाःसा छथाय् तये हःगु दु । कोरोनालिसे ल्वायेत मंकाः कुतः यायेमाःगु आवश्यकता महसुस यासें म्हिगः भारतीय प्रधानमन्त्री नरेन्द्र मोदीं ग्वसाः ग्वयादीगु ‘सार्क राष्ट्रया भिडियोकन्फेरेन्स’य् सार्कया सकलें सरकार प्रमुखतय्सं ब्वति काःगु खः । उकी पाकिस्तानपाखें धाःसा प्रधानमन्त्रीं ब्वति मकासे स्वास्थ्यमन्त्री जक सहभागी जुयादीगु […]

एजेन्सी- माइक्रोसफ्टया सहसंस्थापक बिल गेट्सं परोपकारी ज्याय् यक्व ई बीगु निंतिं माइक्रोसफ्टया संचालक समितिपाखें पिहां वयेगु घोषणा याःगु दु । वय्कलं विश्वब्यापी स्वास्थ्य, विकासया लिसें शिक्षा व जलवायु परिवर्तन नियन्त्रण यायेगु विषयय् थःगु ध्यान केन्द्रीत यायेगु इच्छा दुगु खँ धयादीगु दु । संसारया हे निम्हम्ह दकलय् धनीम्ह गेट्स थौंकन्हय् ६५ दँय् थ्यनाच्वंगु दु । वय्कः […]

एजेन्सी- विश्व स्वास्थ्य संगठन (डब्ल्युएचओं) कोरोना भाइरस विश्वब्यापी महामारीया केन्द्रविन्दू आः युरोप जूगु खँ धाःगु दु । डब्ल्युएचओया महानिर्देशक टेड्रोस एड्हानोम गेहब्रेयससं विश्वन्यंकंया देय्तय्त आक्रमक पलाः न्ह्याकेत, सामुदाययात परिचालन यायेत व मनूत सिके मबीत मनूतय् दथुइ दूरी कायम यायेत धाःगु दु । ‘युरोप आः विश्वब्यापी महामारीया केन्द्र विन्दु जुयाच्वंगु दु । चीनबाहेक मेगु फुक्कं देशय् […]

येँ – सरकारं थ्वहे चैत ५ गते दुने फुक्कं स्कुलया जाँच क्वचायेकाः मस्तय्त बिदा बीत निर्देशन बिउसां नं गुलि ई विदा बीगु धइगु खँय् धाःसा अन्योल ब्वलंगु दु । सरकारं याकनं जाँच क्वचायेकाः बिदा बिउ धाःगुलिं फुक्क धइथें स्कुलं धमाधम जाँच कायेगु ज्या यानाच्वंगु दु । चैत ५ गते दुने हे जाँच क्वचायेकेगु कथं आपालं स्कुलं म्हिगः […]