राष्ट्रिय

येँ – येँ महानगरपालिकाया प्रमुख विद्यासुन्दर शाक्यं महानगरयात योजना बुझे यानाः जक ज्या न्ह्याकेत इनाप यानादीगु दु । मनपा प्रमुख शाक्यं महानगर लागा दुनेया सतक म्हुइगु व ल्हाकेगु लगायत मेमेगु संरचनाया ज्या यायेबलय् महानगरयात योजना बुझे यानाः जक ज्या न्ह्याकेत इनाप यानादीगु खः । महानगर प्रमुख शाक्यं वंगु शुक्रवाः सरोकारवालालिसे जूगु सहलहया इलय् उगु खँ धयादीगु खः । […]

येँ – संघीय मामिला तथा सामान्य प्रशासन मन्त्रालयं दक्वं स्थानीय तहया बारुण यन्त्र (दमकल)यात आवश्यक व्यवस्था यानाः तयारी अवस्थाय् च्वनेत निर्देशन बिउगु दु । मन्त्रलायं फय् वइगु मौसम शुरु जुइधुंकूगु धासें २४ घन्टा हे दमकलयात आवश्यक इलय् परिचालित याये फइकथं व्यवस्थित याना तयेत धासें निर्देशन बिउगु खः । मन्त्रालयया वातावरण तथा विपद् व्यवस्थापन शाखां फय् वइगु मौसम […]

येँ – संसफो व राजपा एकीकरण जुइ धकाः खँ वःसां तत्काल एकता जुइगु सम्भावना धाःसा मदुगु खँ सूत्रं धाःगु दु । निगू पार्टी दथुइ एकताया निंतिं पौ कालबिल जुयाच्वंगु खःसां उकिं ठोस रुप धाःसा काये मफइगु खँ नं धाःगु दु । निगुलिं पार्टी दथुइ मार्ग निर्देशक सिद्धान्त हे फरक जुयाच्वंगुलिं तत्काल एकताया सम्भावना मदुगु खँ धाःगु दु । […]

येँ -नेवाः अधिकार प्राप्तीया आन्दोलनय् ताःई न्ह्यवंनिसें सक्रिय जुयादीपिं स्वम्ह हस्तीपिंत म्हिगः छगू ज्याझ्वःया दथुइ नेवाः अधिकार सिरपाः लःल्हात । वाङ्मय शताब्दीपुरुष सत्यमोहन जोशीं प्रा. माणिकलाल श्रेष्ठ, जनकवि दुर्गालाल श्रेष्ठ व नेवाः न्ह्यलुवा मल्ल के. सुन्दरयात ५०–५० द्वः तकाया नेवाः अधिकार सिरपाः लःल्हाःगु खः । सिरपाः गुथिया नायः डा. महेशमान श्रेष्ठया सभापतित्वय् जूगु उगु ज्याझ्वलय् सिरपाः लःल्हासें […]

येँ – वंगु होलिपुन्हिकुन्हु ट्राफिक प्रहरीं लाक्वपाक्व धंगं सवारी चले याःपिं ९१८ सवारी चालकयात कारवाही याःगु दु । होलिया इलय् स्वनिगः दुने लाक्वपाक्व सवारी चले याःपिं चालकयात कारवाही याःगु खः । महानगरीय ट्राफिक प्रहरी महाशखायाकथं होलिया इलय् नियम हाचां गायाः सवारी चले याःपिंमध्ये ९०५गः मोटरसाइकल व १३गः कार, भ्यान लगायतया सवारी चालकयात कारवाही याःगु खः । महाशाखाया प्रमुख […]

ख्वप – संघीय समाजवादी फोरम नेपालया नीति तथा कार्यक्रम मस्यौदा समितिया ग्वसालय् कार्यशाला गोष्ठि जुल । थनया सूर्यविनायकय् जूगु गोष्ठि समापन ज्याझ्वलय् नवासें पार्टीया सहअध्यक्षनापं नीति तथा कार्यक्रम मस्यौदा समितिया संयोजक राजेन्द्रप्रसाद श्रेष्ठं थौं देय्या राजनीति संघवादी व गैरसंघवादी दथुइ ध्रुवीकृत जुया वनाच्वंगु दु धयादिल । संयोजक श्रेष्ठं संघीय समाजवाद प्राप्तिया निंतिं नेपाःया लँपु छु गज्याःगु जुइमाः […]