राष्ट्रिय

संसारया हे निगूगु दकलय् मूल्यवान ब्राण्ड जुयाच्वंगु गुगलं थःगु छगू असफल सामाजिक सञ्जालयात बन्द यानाबिउगु दु । गुगुलं थःगु असफल सामाजिक सञ्जाल गुगल प्लसयात मंगलवाः सुथंनिसें बन्द यानाबिउगु खः ।फेसबुक व ट्विटर थेंज्याःगु सामाजिक सञ्जालयात चुनौति बीत सन् २०११य् गुगल प्लस चायेकूगु खः । गुगलं थःगु मेगु लोकंह्वाःगु सामाजिक सञ्जाल युट्युब लिसे स्वानाः थुकियात प्रवद्र्धन यायेगु कुतः याःसा […]

येँ – श्रम व रोजगार क्षेत्रया गुनासोयात तत्कालन सम्बोधन यायेगु ताः तयाः श्रम तथा रोजगार मन्त्रालययं मंगलवाः निसें कल सेन्टर संचालनय् हःगु दु । वैदेशिक रोजगार बोर्ड सचिवालयय् व्यवस्थापनय् संचालनय् हःगु उगु कल सेन्टरय् मार्फत सरकारयात सरोकारवालातय्सं श्रम सम्बन्धी छुं समस्या, जिज्ञासा, गुनासो, सुझाव बीफइगु खँ धाःगु दु । कल सेन्टरया उलेज्या मंगलवाः श्रम, रोजगार तथा सामाजिक […]

येँ –  नेपालभाषा परिषद्या न्वकु लिसें साहित्यकार नविन चित्रकारया छेँय् नेपालभाषाया मिसा बाखं च्वमिपिनि साहित्यिक मुँज्या जुल । मुँज्याय् आख्यान व गैरआख्यान साहित्यया बारे चर्चा जूगु खः । लिसें साहित्यकार चित्रकारं थम्हं अमेरिकाय् नापलानापिं साहित्यकार व अनया साहित्य बारे थःगु अनुभव नं कनादीगु खः । मुँज्याय् मिसा बाखं च्वमिपिं सरस्वती तुलाधर, मोतिलक्ष्मी शाक्य, विमलप्रभा वज्राचार्य, मनदेवी तण्डुकार, भवानी […]

ख्वप – थनया दूधपाटीइ च्वंगु ऐतिहासिक भाजु पुखू जिर्णोद्वार समितिं थःगु अध्ययन प्रतिवेदन ख्वप नगरपालिकायात लःल्हाःगु दु । ख्वप नगरपालिका वडा नं. १ स्थित दूधपाटीइ च्वंगु ऐतिहासिक भाजु पुखू उत्खनन् सम्बन्धी अध्ययन प्रतिवेदन नगरपालिकायात लःल्हाःगु खः । वंगु आइतवाः समितिया संयोजक प्रा. डा. पुरुषोत्तमलोचन श्रेष्ठं ख्वप नगरपालिकाया प्रमुख सुनील प्रजापतियात उगु प्रतिवेदन लःल्हानादीगु खः । झिंनिगूगु शताब्दीया निर्माण […]

येँ – अमेरिकन नेवाः दबूया ग्वसालय् वंगु मार्च ३० कुन्हु निक्वःगु हलिं नेवाः दिं तःजिगु ज्याझ्वःयासें हंगु दु । निक्वःगु हलिं नेवाः दिंया लसताय् जूगु विशेष ज्याझ्वःया हे दथुइ नेपालभाषाया न्हापांम्ह मिसा उपन्यासकार शशिकला मानन्धरया ‘संकल्प’ उपन्यासया अंग्रेजी अनुवादया नं चिखिफ्यनेज्या याःगु खः । दबूया नायः उदय महर्जनया लसकुस न्वचुपाखें न्ह्याःगु ज्याझ्वलय् सछिम्हं मल्याकया उपस्थिति दुगु खःसा […]

येँ – थुगुसी विश्वया थीथी थासय् विश्व नेवाः दिवस हनेगु झ्वलय् क्यानाडाय् छम्ह क्यानाडियन नागरिकयात हे नेवाः भासं भाषण याकाः ज्याझ्वः न्ह्याकेगु ज्या जुल । क्यानेडियन नेवाः गुठीया ग्वसालय् जूगु उगु ज्याझ्वलय् अनया हे टोरोन्टो विश्वविद्यालयपाखें ‘नेवाः बौद्ध धर्म’ विषयय् पीएचडी यानाच्वंम्ह विद्यार्थी भाजु इयन टर्नरं नेवाः भासं सम्बोधन यानादीगु खः । भाजु टर्नर क्यानेडियन नागरिक खः । […]