राष्ट्रिय

येँ (नेपालभाषा टाइम्स)÷ सहकारीइ ठगे यानाः विदेशय् बिसिउँ वनाच्वंपिं झिंच्याम्हेसित नेपाः हयेत संसदीय छानविन विशेष समितिं सरकारयात निर्देशन बिउगु दु । सोमबाः गृहमन्त्री, गृहसचिव, प्रहरी प्रमुखपिं लिसे जूगु सहलहया झ्वलय् समितिं सहकारी ठगी याःपिं झिंच्याम्ह विदेशय् दुगु खनेदुगु धासें झिंच्याम्हेसियागु नां गृहमन्त्रीयात लःल्हासें उमित तुरुन्त नेपाः हयेत गृहमन्त्रीयात निर्देशन बिउगु खः । छानविन समितिया सभापति सूर्य थापाया […]

येँ(नेपालभाषा टाइम्स)÷नेवाः मिसा दबू खाँदबारीया ग्वसालय् जूगु धिमे बाजं, बासुरि व चचा प्याखं प्रशिक्षण क्वचाःगु दु । खाँदबारीया स्थानीय नेवाः समुदायया ल्याय्म्ह पुस्तायात लक्षित यानाः नीन्यान्हुया थीथी स्वंगू विधाय् प्रशिक्षण जूगु खः । संखुवासभाया खाँदबारी नगरपालिकाय् दबूया ग्वसालय् जूगु प्रशिक्षणय् ख्वीम्ह स्वयां अप्वः ल्याय्म्ह पुस्तायात उगु प्रशिक्षण बिउगु खः । स्थानीय नेवाः समुदायया ल्याय्म्ह पुस्तायात […]

येँ(नेपालभाषा टाइम्स)-थाइल्याण्डया राजसंस्थां न्हापांखुुुसी नेपाःमि भिक्षु डा. सुगन्ध महास्थविरयात थाई भिक्षु संघया अतिविशिष्ट निगूगु तहया दर्जा बिउगु दु । थाइल्याण्डया राजसंस्था व थाई भिक्षु महासंघं अन हे च्वना बिज्याःम्ह डा. सुगन्ध महास्थविरयात अति विशिष्ट धार्मिक महत्वया राजकीय सम्मान लःल्हाःगु खः । थाई राज संस्था व थाई भिक्षु महासंघं वसपोलयात अति विशिष्ट धार्मिक महत्वया निगूगु तहया […]

येँ(नेपालभाषा टाइम्स)÷ येँ महानगरपालिकाया उपप्रमुख सुनिता डंगोलं नरलय् पुनःनिर्माण जुयाच्वंगु सम्पदाया भौतिक अवस्था बारे जानकारी कयादीगु दु । येँ महानगरपालिका अनुगमन समितिया संयोजक तकं जुयाच्वनादीम्ह उपप्रमुख डंगोलं नरय् पुनःनिर्माण जुयाच्वंगु थीथी सम्पदाया भौतिक अवस्थाया अनुगमनलिसें जानकारी कयादीगु खः । उपप्रमुख डंगोलं नरलय् पुनःनिर्माण जुयाच्वंगु धन गणेश परिसरय् च्वंगु सतः, मालीगामय् च्वंगु मय्ति अजिमाया द्यःछेँ अनुगमन यानादीगु खः । […]

येँ (नेपालभाषा टाइम्स)- घौछिया दुने ९२१८ क्वः तुतिं बल थ्वानाः नेपाःया सजन डंगोलं गिनिज बुक अफ वल्र्ड रेकर्डय् कीर्तिमान तयादीगु दु । वय्कलं वंगु १६ फेब्रुअरी २०२४ स बेलायतया बर्मिङघमय् उगु रेकर्ड तयादीगु खः । २०६५ सालं व्यवसायिक फुटबल म्हितेगु ज्या न्ह्याकूम्ह वय्कलं प्रारम्भिक चरणय् यु–१४ राष्ट्रिय कासाय् फ्रेन्ड्स क्लब कुपण्डोलं म्हितादीगु खःसा सी डिभिजन लिग भगवती […]

यल(नेपालभाषा टाइम्स)÷ थनया राजोपाध्याय समुदायया उपाकर्म गुथिं नृसिंह जात्रा स्वः वयेत धासें निमन्त्रणा याःगु दु । गुथिपाखें दँय्दसं गुंलागा पंचमिकुन्हु न्यायेकेगु याना वयच्वंगु जात्राय् थकु जुजुयात जात्रा स्वः वयेत धासें निमन्त्रणा याःगु खः । जात्रा स्वः वयेत थकु जुजुयात निमन्त्रणा यायेगु परम्पराकथं उगु ज्याझ्वः यल लाय्कूस्थित सुन्दरी चुकय् जूगु खः । यलया राजोपाध्याय समुदायया खुगू कुलयापिं दुथ्यानाच्वंगु उपाकर्म […]