चिट ज्वंम्ह शिक्षकयात हातपात

येँ (नेपालभाषा टाइम्स)- थनया सरस्वती बहुमुखी क्याम्पसय् विद्यार्थीतय्सं शिक्षकयात दाःगु खँ पिहां वःगु दु । मंगलवाः जूगु परीक्षाया इलय् चिट खुइके मबिल धकाः दाःगु खँ क्याम्पस प्रमुख गोलमान गुरुङं कनादीगु दु । प्रमुख गोलमान गुरुङया कथं जाँच बियाच्वंपिं प्यम्ह विद्यार्थीतय्सं पिनें हे उत्तर च्वयाहःगु कपी ज्वनावःगु खः । उमिसं पिनें हःगु कपी तयाः जाँच क्वथाय् बीधुंकाःलि कपी ज्वनाः पिहां वनेत्यंबलय् ज्वंगु खः । थःपिंत ज्वन धकाः उमिसं शिक्षकयात दाःगु खः ।

जाँच बिउ वःपिं पीम्हेसिनं थथे पिनें कपी ज्वनावःगु खःसां जिमित जक छाय् ज्वनागु धासें उमिसं शिक्षकयात दाःगु खँ प्रमुख गुरुङं कनादीगु दु । उमिसं थःत नं हातपात याःगु खँ नं प्रमुख गुरुङं कनादीगु । दु ।