राष्ट्रिय

येँ (नेपालभाषा टाइम्स)÷ सोमवाः सनिलंनिसें मंगलवाः सुथबःछि वःगु वां यानाः स्वनिगःया तःगू थाय् डुबानय् लाःगु दु । वाः वया स्वनिगःया मू मू लँपु लिसें थीथी सरकारी ज्याकुथिइ नं लः दुहां वंगु खः । मूमू लँपुइ हे लः जायेवं गाडीयात तकं वये–वनेत समस्या जूगु खः । वा वयाः थीथी थाय्या स्कूलय् नं लः दुहां वनेवं स्कूल […]

येँ(नेपालभाषा टाइम्स)- हनुमानध्वाखा दरवार लागाय् च्वंगु ऐतिहासिक महाद्यः–पार्वती देगलय् कलात्मक झ्यालं स्वयाच्वंपिं महाद्यः–पार्वतीया सिँयागु मूर्ति म्हिगः पलिस्था यात । देगः जीर्णोद्धार यायेगु झ्वलय् उगु द्यः लिकयाः पुरातत्व विभागय् तयातःगु खःसा म्हिगः द्यःयात विभागं लित हसें लंपुं छानाः हानं देगलय् तुं पलिस्था याःगु खः । वंगु वि.सं. २०७२ सालया भुखाचं उगु देगःयात क्षति याना बिउगु खःसा आः उकियात […]

येँ (नेपालभाषा टाइम्स)- बंगलादेशया आन्दोलन तच्वया वनेवं अनया प्रधानमन्त्री शेख हसिना वाजिद राजीनामा बियाः देश त्वःताः भारतय् शरण काः वंगु दुसा अनया शासन सत्ता सेनां ल्हातय् काःगु दु । शेख हसिना भारतया दिल्लीस्थित छगू सैनिक एयरबेसय् थ्यंगु दु । वय्कःयात नापलायेत भारतया राष्ट्रिय सुरक्षा सल्लाहकार अजित डोभाल बेस क्याम्पस वंगु दु । शेख हसिनां भारतय् हे […]

यल (नेपालभाषा टाइम्स)÷ दँय्दसं गुंलाबलय् जुइगु बोगी वनेगु ज्या गुंलाथ्व पारुया चान्हय् निसें सुरु जूगु दु । थुगुसी न्यकु जात्रा मतयाःया पाः लाःगु नःबहीपाखें बोगी न्ह्याःगु खः । सोमवाः चान्हय् १ बजे नःबहीली न्ह्याःगु बोगी सुथय् द्यः तुयू मजूतलेया दथुइ यलया थीथी बहाःबही चाःहिउगु खः । बोगी वनेबलय् मतयाः वनीबलय् गन गन वनेमाःगु खः अन […]

ख्वप(नेपालभाषा टाइम्स)÷ दँय्दसं कौलाथ्व द्वादशि व त्रयोदशि कुन्हु ख्वपय् पीप्यदँ न्ह्यःनिसें मदिक्क याना वयाच्वंगु नेपालभाषा साहित्य तःमुँज्या थुगुसी लामुगाः चौरय् जुइगु जूगु दु । नेपालभाषा साहित्य तःमुँज्याया मुँज्यां थुगु खँ क्वःछिउगु खः । शनिवाः ख्वपय् च्वंगु नेपालभाषा साहित्य तःमुँज्याया मुँज्यां वइगु कौलाथ्व द्वादशी व त्रयोदशी (असोज २८ व २९ गते) निन्हुयंकं ख्वपया पूर्वी लागाय् च्वंगु […]

येँ (नेपालभाषा टाइम्स)-येँया सिडिओ कार्यालयं नेपाल संवत् तयाः दर्ता याये यंकूगु नेवाः संस्थायात दर्ता मयासे लित छ्वया हःगु दु । लुमंकेबहः जू, नेपाल संवत्यात सरकारं राष्ट्रिय संवत् घोषणा यासें आः फुक्कं सरकारी दस्तावेजय् नेपाल संवत् नं छ्यलेगु धकाः निर्णय याना तयेधुंकूगु दु । संस्थाया लोगोय् नेपाल संवत् तया हल धकाः सिडिओ कार्यालयं दर्ता मयासे लित छ्वया हःगु […]