राष्ट्रिय

येँ – पे्रस काउन्सिल नेपालं पत्रपत्रिकायात हुलाक सेवा निःशुल्क यायेत इनाप याःगु दु । काउन्सिलं हुलाकपाखें पत्रपत्रिका छ्वयेगु व्यवस्थाया निंतिं आवश्यक समन्वय यायेत धासें उकथं हुला सेवा निःशुल्क यायेत इनाप याःगु खः । काउन्सिलं छगू विज्ञप्ती जारी यासें बिउगु जानकारीकथं पत्रपत्रिकायात हुलाकपाखें निःशुल्क व्यवस्थाया निंतिं आवश्यक समन्वय यायेत संचार व सूचना प्रविधि मन्त्रालय व हुलाक सेवा विभागयात […]

येँ – लुम्बिनी प्रदेशया प्रमुख अमिक शेरचनं साउन २७ गते लुम्बिनी प्रदेशसभाया विशेष अधिवेशन आह्वान यायेवं सत्तारुढ दल एमालें आपत्ति प्वंकूगु दु । म्हिगः एमाले लुम्बिनी प्रदेशया संसदीय दलं छगू पत्रकार सम्मेलन यासें प्रमुख सचेतक भूमिश्वर ढकालं आपत्ति प्वंकादीगु खः । पत्रकार सम्मेलनय् वय्कलं संवि–धानया धारा १६८ (१) कथं गठन जूगु एकल बहुमतया सरकार विरुद्ध निदँ मदयेकंं […]

येँ – एमालेया वरिष्ठ नेता माधव नेपालं पार्टी एकताया नितिं थःपिं तयार दु तर एकता धाःसा सम्मानजनक जुइमाः धयादीगु दु । म्हिगः थःगु पक्षया केन्द्रीय दुजःतय् बैठकय् वय्कलं थ्व खँ धयादीगु खः । मुँज्याय् सहभागी छम्ह केन्द्रीय दुजलं नेपालया धापूयात न्ह्यथँसें धयादिल, ‘पार्टी जिं दयेकागु खः, एजेन्डाय् झी त्याःगु दु, केपीया ज्यादतीपूर्ण, निरंशुक पलाःया कारणं आःया अवस्था […]

येँ – कोरोना भाइरस विरुद्धया न्हापांगु मात्राया खोप कायेधुंकूपिंत आः निगूगु मात्राया खोप बीगु जूगु दु । कोरोना विरुद्ध भेरोसेलया न्हापांगु मात्रा काःपिंत निगूगु मात्राया खोप बीत्यंगु खः । थौं साउन २२ गतेनिसें भेरोसेलया न्हापां मात्रा कयेधुंकूपिंत निगूगु मात्राया खोप बीत्यंगु खः । विशेष यानाः न्हापांगु मात्राया खोप काःगु २१ न्हु पूवनेधुंकूपिंत निगूगु मात्राया खोप बीत्यंगु खः । जिल्ला […]

येँ -थनया सिनामंगलं म्हिगः ८ किलो ६६ ग्राम लुँ सहित भारतीय नागरिकयात ज्वंगु दु । उमिगु बयानया आधारय् राकेश राई नांया नेपाःमि छम्ह नं ज्वंगु खः । भारतीय नागरिकतय्त सिनामंगलय् च्वंगु सिरहा मल्हनिया होटेलं ज्वंगु खःसा राईयात काँडाघारीं ज्वना हःगु खः । प्रहरीं बिउगु जानकारी कथं नेपालय् च्वनीम्ह राईं वैदेशिक रोजगारीं नेपाः लिहां वइपिं मनूतपाखें लुँ संकलन यानाः […]

येँ- नेपाल कल्चर इन्टरनेशनल फिल्म फेस्टिभलय् नेपालभाषाया चीहाः संकिपा ‘इन्द्रायणी नामांकन जूगु दु । नेपाल कल्चार एण्ड फिल्म सेन्टरया ग्वसालय् जू वनाच्वंगु थुगु फेस्टिभल स्वंगूगू संस्करण खः । अन्तर्राष्ट्रियस्तरया थुगु फेस्टिभलय् विश्वया ५० गू स्वयां अप्वः देशं ब्वति कयाच्वंगु दु । ग्वसाः खलःया नायः सन्तोष सुवेदीयाकथं राष्ट्रिय व अन्तर्राष्ट्रिय भाय्या संकिपा नापं यानाः थुगुसी झिंप्यंगू विधाय् सछि व […]