राष्ट्रिय

येँ – बागमति प्रदेशया मुख्यमन्त्री अष्टलक्ष्मी शाक्यं माधव नेपालया पार्टी वनीगु सम्भावना मदुगु खँ सीदुगु दु । वय्कःया स्वकीय सचिव दिपक महर्जनं मुख्यमन्त्री शाक्य पार्टी विभाजनया पक्षय् मदुगुलिं मुख्यमन्त्री पद हे त्वःतेमाःसां नं आः नेपालया पार्टीइ वनीगु सम्भावना मदुगु खँ ‘नेपालभाषा टाइम्स’ यात कनादिल । नेपाल पुचलं थःगु पार्टीइ दुहां मवल धाःसा मुख्यमन्त्री शाक्यलिसे सहकार्य […]

येँ – अध्यादेश हयाः संवैधानिक परिषदं थीथी संवैधानिक निकायय् याःगु नियुक्ति विरुद्धया मुद्दां न्हूगु मोड काइगु सम्भावना खने दया वःगु दु । उगु रिट सम्बन्धी न्हापांगु न्हि व लिपांगु न्हिया सुनुवाइलय् प्रधानन्यायाधीश चोलेन्द्र शम्शेर जबरा मच्वनेगु जुइवं थज्याःगु संकेत खने दया वःगु खः । थ्व निन्हु वय्कः अनुपस्थित जूगुलिं आः वय्कः धुंकाःया वरिष्ठ न्यायाधीश दीपककुमार कार्कीया नेतृत्वय् […]

येँ – नेपाल पञ्चाङ्ग निर्णायक विकास समितिं थुगुसी न्यायेकीगु यँयाःया साइत पित बिउगु दु । समितिं पित बिउगु साइत कथं थ्वहे वइगु भदौ २३ गते सुथय् १०ः५२ बजे यःसिं कायेगु लागिं वन प्रस्थान जुइ । वकुन्हु हे बहनी ७ः२७ बजे सिमा पालेगु शुरु जुइसा भदौ २९ गते सुथय् १०ः३४ बजे यःसिंयात नगर प्रवेश याकी । समितिं असोज २ […]

येँ – नेपालभाषा आधुनिक कविताया न्ह्यलुवा कवि पूर्ण वैद्य मंत । यलया निदान अस्पतालय् वासः याकु याकुं म्हीग बहनी वयकः मदुगु खः । कवि वैद्य वंगु गुंपुन्हि कुन्हु तिनि ८१ दँय् क्यंगु खः । म्हिगः नेपाली सेनापाखें वय्कःया सीम्ह व्यवस्थापन यासें पशुपतिया विद्युतीय शवदाह गृहय् अन्तिम संस्कार यात । व स्वयां न्ह्यः पशुपतिइ विराट नेपालभाषा साहित्य सम्मेलन गुथिपाखें वय्कःया […]

येँ – निर्वाचन आयोगं नेकपा (एकीकृत समाजवादी) व लोकतान्त्रिक समाजवादी पार्टी राष्ट्रिय मान्यता दुगु दलया रुपय् दर्ता जूगु धासें संसद सचिवालययात पौ छ्वःगु दु । निर्वाचन आयोगया पौ सचिवालय वयेधुंकाः आः संसद दुने नं नेकपा (एकीकृत समाजवादी) व लोसपां बिस्कं संसदीय दलया रुपय् मान्यता काये खनीगु जूगु दु । निगुलिं दलं बुधवाः निर्वाचन आयोगय् सनाखत यायेधुंकाः दलया […]

यल – थनया शंखम्वलय् च्वंगु अन्तर्राष्ट्रिय बौद्ध भावना केन्द्रय् प्रतिस्थापना यानातःगु बुद्ध मूर्तिया अनावरण याःगु दु । येँ महानगरपालिकाया प्रमुख विद्यासुन्दर शाक्यं केन्द्रया धम्म हलय् प्रतिस्थापन यानातःगु ध्यान मुद्राया भगवान बुद्धया मूर्ति अनावरण यानादीगु खः । भिक्षु इन्दक स्थविरपाखें शील प्रदान यानाबिज्याःगु ज्याझ्वलय् भिक्षु महासंघपाखें बुद्धाभिषेक (मंगल पाठ)लिसें थेरवाद बौद्ध पम्पराकथं बुद्ध पुजा व धर्मदेशना नं जूगु […]