राष्ट्रिय

येँ (नेपालभाषा टाइम्स)- गुगुं इलय् एमालेया ‘लाल किल्ला’ धाइगु राजधानी येँ देसय् थुगुसी धाःसा एमालें चा वांन्वायेमाःगु अवस्था वःगु दु । येँया झिगू मध्ये छगू जक सिटय् एमाले त्याःगु दु, व नं तसकं कम भोटया अन्तरं । मेगु गुंगू सिट मध्ये न्यागुली कांग्रेस व प्यंगुली न्हूगु पार्टी रास्वपा त्याःगु दु । २० सिट दुगु प्रदेशसभाय् नं न्हापा १६ […]

येँ (नेपालभाषा टाइम्स)-मंसिर ४ गते क्वचाःगु चुनावया आः तक पिहां वःगु लिच्वःकथं प्रत्यक्षपाखे नेपाली कांग्रेस न्ह्यःने लानाच्वंसां समानुपातिक मतपाखे धाःसा नेकपा एमाले दकलय् न्ह्यःने लाःगु दु । म्हिगः बहनी ६ बजे तकया लिच्वः कथं एमाले १ लाख १७ हजार ७७६ समानुपातिक मत हयाः न्ह्यःने लानाच्वंगु दु । वयां लिपा नेपाली कांग्रेस १ लाख ६७७ मत हयाः निगूगु […]

येँ (नेपालभाषा टाइम्स)-नेपाली कांग्रेसपाखें येँया ४ नम्बर क्षेत्रया प्रतिनिधिसभाय् त्याःम्ह गगन थापां आःया चुनाव लिपा देशय् न्हूगु सरकार जक मखु न्हूम्ह चालक सहितया सरकार वयेमा धकाः जनतां आशा यानाच्वंगु खँ कनादीगु दु । निर्वाचित जुइवं थःगु प्रतिक्रिया बीगु झ्वलय् थापां उगु खँ धयादीगु खः । चुनाव न्ह्यः हे थःत भावी प्रधानमन्त्रीया कथं न्ह्यब्वयेगु याना वयाच्वनादीम्ह नेता थापां […]

येँ (नेपालभाषा टाइम्स)- क्वथा बालं मबिउ धइगु द्वपं बियाः रुपा सुनार नांयाःम्ह मिसां तःगु उजुरीया आधारय् प्रहरी हिरासतय् लाःम्ह मय्जु सरस्वती प्रधानया मुद्दा सर्वोच्च अदातलं खारेज याना बिउगु दु । सुनारं क्वथा बालं मबिउम्ह प्रधानं जातीय भेदभाव याःगु द्वपं बिउगु खःसा वय्कःयात त्वःतकेगु ज्याय् राज्य सत्ताया दुरुपयोग याःगु धासें तत्कालीन मन्त्री कृष्णगोपाल श्रेष्ठयात समेत कारवाही यायेमाः […]

येँ (नेपालभाषा टाइम्स)÷क्वचाःगु निर्वाचनया लिच्वः धमाधम वयाच्वंगु दु । लिच्वः कथं राजधानी येँया १० गू क्षेत्र मध्ये नेपाली कांग्रेसं न्यागू त्याकीगु सम्भावना अप्वया वंगु दु । अथे हे न्हूगु शक्ति कथं पिलू वःगु राष्ट्रिय स्वतन्त्र पार्टीं प्यंगू व नेकपा (एमालें) छगू सिट त्याकीगु सम्भावना खने दयाच्वंगु दु । आः कांग्रेसं क्षेत्र नं. १ व ४ य् त्याकेधुंकूगु दुसा […]

येँ(नेपालभाषा टाइम्स)- उमेरं ७५ दँ दुम्ह जुजुभाइ तुलाधरया सलय् दुथ्याःगु म्येँया म्युजिक भिडियो पिदंगु दु । नेपालभाषा संगीत ख्यलय् पिलूवःम्ह ज्याथःम्ह म्येँ हालामि तुलाधरया ‘मन त्याका काये धुसेंलि’ म्येँया म्युजिक भिडियो पिदंगु खः । भाजु तुलाधरया थ्व स्वयां न्ह्यः ‘लक्का पठ्ठाया उमेर’ व ‘नीच्याम्ह बुद्ध’ बौद्ध भजनया म्येँ पिदनेधुंकूगु दु । म्येँ हालामि तुलाधर व वय्कःया जहान मंगललक्ष्मी […]