येँय् एमाले दुने अन्तर्घातया द्वपं

येँ (नेपालभाषा टाइम्स)- गुगुं इलय् एमालेया ‘लाल किल्ला’ धाइगु राजधानी येँ देसय् थुगुसी धाःसा एमालें चा वांन्वायेमाःगु अवस्था वःगु दु । येँया झिगू मध्ये छगू जक सिटय् एमाले त्याःगु दु, व नं तसकं कम भोटया अन्तरं । मेगु गुंगू सिट मध्ये न्यागुली कांग्रेस व प्यंगुली न्हूगु पार्टी रास्वपा त्याःगु दु । २० सिट दुगु प्रदेशसभाय् नं न्हापा १६ सिट त्यानाच्वंगु एमाले थुगुसी स्वंगू सिटय् जक त्याःगु दु ।

येँय् एमाले थ्व अवस्थाय् थ्यंगुया लिउने सांगठनिक कमजोरी जक मखुसें थवंथवय् जूगु अन्तर्घात समेत खः धकाः द्वपं बियाहःगु दु । खास यानाः वंगु स्थानीय तहया चुनावय् येँया नेता कार्यकर्ता दथुइ गुगु आन्तरिक द्वन्द्व ब्वलंगु खः, उकिया हे लिच्वः कथं एमालेया थ्व हविगत जूगु खँ धाःगु दु । लिसें चुनाव हाँके यायेमाःपिं कमाण्डरत फुक्क हे थःथःपिं जक त्याकेगु ध्याउन्नाय् लगे जुयाः मेथाय् वास्ता मयाःगु कारणं यानाः नं पार्टी यक्व थासय् बूगु खँ धाःगु दु ।

सम्बन्धित बुखँ

LEAVE YOUR COMMENTS