राष्ट्रिय

संघरत्न शाक्य दान छु खः ? झीसं दान छाय् याइ ? दानया महत्व छु खः ? थ्व स्वंगू न्ह्यसः न्ह्याबलें नुगलय् दनाच्वनीगु । दान सुयात बीगु व सुनां कायेगु ? थ्व मथुयाच्वंपिं नं यक्वं खना । संकटय् लानाच्वंपिं मनूतय्त इमिगु आवश्यकता पूवंकेगु निंतिं झीसं यायेगु ग्वाहालि हे सही अर्थय् दान खः । थःगु आवश्यकता पूवंके मफुपिं विवश मनूतय्त सुनानं दया माया यानाः […]

येँ (नेपालभाषा टाइम्स)- ज्यापु महागुथि नेपाःया अध्यक्षय् सत्यनारायण डंगोल निर्वाचित जूगु दु । महागुथिया प्यक्वःगु एकीकृत महाधिवेशनं डंगोलया नेतृत्वय् नीन्हय्म्ह दुजः दुगु ज्यासना पुचः सर्वसम्मत ल्यःगु खः । तःमुँज्याय् किपूया बुद्धिलाल ज्यापुं नं उम्मेदवारी बियादीगु खःसां लिपा ज्यापुं सहमतिया लागिं नां लित कायेवं डंगोल सर्वसम्मत जुयादीगु खः । आइतवाः लय्ताः भ्वँय्छेँय् जूगु बन्द सत्रं महागुथिया विधान कथं नायः […]

येँ (नेपालभाषा टाइम्स)- छुं ई न्ह्यः तक सर्वसाधारण मनूतय् दथुइ हाई हाई जुयाच्वंपिं निम्ह स्वतन्त्र मेयरपिं येँया बालेन साह व धरानया हर्क साम्पाङ निम्हं वंगु छुं ई थुखेंनिसें धाःसा थः हे मतदातातय् आलोचनाया शिकार जुयाच्वंगु दु । थःपिनि ज्याया कारणं चर्चाय् वःसां वय्कःपिं निम्हं लिपांगु इलय् थःपिनि छुच्चा म्हुतु व व्यहोरां यानाः आलोचनाया शिकार जूगु खः । […]

येँ(नेपालभाषा टाइम्स)- येँ महानगरपालिका वडा नं. ५ स्थित ऐतिहासिक नरःयात सांस्कृतिक जीवन्तता ल्यंकेत सहलह जुल । लिच्छवीकालीन सभ्यताया केन्द्रकथं कयातःगु नरःया जीवन्तता ल्यंकेत ऐतिहासिक, सामाजिक, सांस्कृतिकलिसें वातावरणीय व पूर्वाधार लगायतया कोणं सहलह गोष्ठि न्ह्याकूगु खः । थ्व झ्वलय् न्हापांगु चरणय् वातावरणीय कोणयात स्थानीय व सरोकारवाला दथुइ ज्या जूगु खः । वडाअध्यक्ष वीरेन्द्र प्रजापतिं विगतय् नरःया ऐतिहासिक, सांस्कृतिक, सामाजिक […]

येँ (नेपालभाषा टाइम्स)÷ ज्यापु महागुथिया प्यक्वःगु एकीकृत राष्ट्रिय महाधिवेशन शनिवाःनिसें न्ह्याःगु दु । महाधिवेशनया उलेज्या उपप्रधानमन्त्री व गृहमन्त्री नारायणकाजी श्रेष्ठं शनिवाः तिंख्यलय् जूगु छगू विशेष समारोहय् महाधिवेशनया उलेज्या यानादीगु खः । । ‘ज्यापु जातिया उत्थान, नेपाल राष्ट्रया निर्माण’ नारा बियाः महागुथिया महाधिवेशन न्ह्याःगु खः । उलेज्याझ्वलय् न्ववानादिसें उपप्रधानमन्त्री श्रेष्ठं नेपालय् राजनीतिक हिउपाः हयेगु निंतिं ज्यापु […]

येँ(नेपालभाषा टाइम्स)- केन्द्रीय मानन्धर संघया ग्वसालय् शनिवाः थनया वसन्तपुलिइ च्वंगु दशअवतार देगलय् छगू तःजिगु धाःबाजं ब्वज्या जुल । धाःबाजं ब्वज्याय् स्वनिगःया थीथी जिल्लालिसें स्वनिगः लिक्क लाःगु काभ्रेया भ्वँतं नं ब्वति काःगु खः । धाःबाजं ब्वज्याय् लाय्कूसाः मानन्धर समाज, चस्वांद्वँ मानन्धर सनाःगू खलः, थँहिटी मानन्धर गुथि, दैसाः टोल मानन्धर समाज, मानन्धर सनाःगू खलः न्हूसाः, पाक्व पुखूद्यां सनाः खलः, […]