अन्तर्राष्ट्रिय

एजेन्सी- भारतया मुम्बइलय् झिंन्यादँ दुम्ह मिसामचायात सामूहिक बलात्कार याःगु द्वपनय् पुलिसं ३३ म्ह अरोपित मध्ये २८ म्हेसित ज्वंगु दु । प्रहरीं ज्वंपि निम्ह नाबालक खः । प्रहरीं बिउगु जानकारीकथं वंगु जनवरीनिसें उम्ह मिसामचाया बलात्कार जुयाच्वंगु खः । भारतीय सञ्चार माध्यमतय्सं बिउगु जानकारीकथं मिसाया ययेकातःम्ह मिजनं दकलय् न्हापां बलात्कार याःगु व उकिया भिडियो दयेकूगु खः । […]

एजेन्सी- अमेरिकां विकासशील व आम्दानी बमलाःपिं देय्तय्त ५० करोड डोज खोप अनुदान बिइगु घोषणा याःगु दु । संयुक्त राष्ट्रसंघया महासभाय् अमेरिकाया राष्ट्रपति जो बाइडेनं ५० करोड डोज फाइजर खोप आकिवं निसें इनेगु शुरु यायेगु धाःगु दु । राष्ट्रपति जो बाइडेनं विश्वया सछिगू देय्यात खोप अनुदान बिइगु नं धाःगु दु । राष्ट्रपति बाइडेनं संयुक्त राष्ट्रसंघया महासभाय् […]

एजेन्सी- चीनं अफगानिस्तानयात तयातःगु आर्थिक प्रतिबन्ध लिकायेत माग याःगु दु । चीनया विदेशमन्त्री वाङ यीं बुधवाः जूगु जी २० या भर्चुअल सम्मेलनय् अफगानिस्तानयात तयातःगु एकतर्फी आर्थिक प्रतिबन्ध लिकायेत माग याःगु खः । भर्चुअल सम्मेलन धुंकाः चीनया विदेश मन्त्रालयं विज्ञप्ति पिकयाः नं आर्थिक प्रतिबन्ध लिकायेत माग याःगु दु । चीनया विदेश मन्त्रालयं पिकाःगु विज्ञप्तिइ अफगानिस्तानया वैदेशिक […]

एजेन्सी- अमेरिका, बेलायत व अस्टे«लियाया दथुइ जूगु सुरक्षा सम्झौता अकसं यानाः स्यनावंगु सम्बन्ध सुधारया निंतिं अमेरिका व फ्रान्सया दथुइ वार्ता जूगु दु । अमेरिकाया राष्ट्रपति जो बाइटडेन व फ्रान्सया राष्ट्रपति इम्यानुएल म्याक्रो दथुइ बुधवाः टेलिफोन वार्ता जूगु खः । वार्ता लिपा निम्हं राष्ट्रपतिं मंकाः वक्तव्य जारी यानाः समस्या समाधानया कुतः यायेगु व युरोपया सुरक्षा बल्लाकेगु […]

एजेन्सी- चीनं मेगु देसय् कोइलाय् आधारित परियोजना मदयेकेगु घोषणा याःगु दु । मंगलवाः चीनया राष्ट्रपति सी जिनपिङं संयुक्त राष्ट्रसंघया महासभाय् थ्व घोषणा याःगु खः । राष्ट्रपति सी जिनपिङं जलवायु परिवर्तन म्हो यायेत थ्व पलाः ल्ह्वनागु धाःगु दु । राष्ट्रपति सी जिनपिङं विकासशील देय्तय्गु निंतिं हरित व न्यून कार्र्बन ऊर्जाया उत्पादनया निंतिं चीनं ग्वाहालि याइगु नं […]

एजेन्सी- न्यूर्योकय् जुयाच्वंगु संयुक्त राष्ट्रसंघया महासभाय् थःपिंत नं सम्बोधन याके बिइत तालिबानं इनाप याःगु दु । तालिबानया विदेशमन्त्री अमिर खान मुक्ताकीं सोमवाः संयुक्त राष्ट्रसंघयात पत्र छ्वयाः महासभाय् थःपिंत नं नवाके बिइत इनाप याःगु खः । तालिबानं दोहाय् च्वनाच्वंम्ह प्रवक्ता सुहेल साहीनयात महासभाया प्रतिनिधि नियुक्त याःगु दु । तालिबानं न्हापायागु सरकारं नियुक्त यानातःपिं प्रतिनिधितय्सं देय्या प्रतिनिधित्व […]