
एजेन्सी- चीनं अफगानिस्तानयात तयातःगु आर्थिक प्रतिबन्ध लिकायेत माग याःगु दु । चीनया विदेशमन्त्री वाङ यीं बुधवाः जूगु जी २० या भर्चुअल सम्मेलनय् अफगानिस्तानयात तयातःगु एकतर्फी आर्थिक प्रतिबन्ध लिकायेत माग याःगु खः । भर्चुअल सम्मेलन धुंकाः चीनया विदेश मन्त्रालयं विज्ञप्ति पिकयाः नं आर्थिक प्रतिबन्ध लिकायेत माग याःगु दु ।
चीनया विदेश मन्त्रालयं पिकाःगु विज्ञप्तिइ अफगानिस्तानया वैदेशिक मुद्रा भण्डार अनया राष्ट्रिय सम्पत्ति जूगु व उकी सर्वसाधारणया अधिकार दुगु व उकियात अफगानया नागरिकतय्सं छ्यले खनेमाःगु व अफगानिस्तानयात राजनीतिक दबाब बिइत आर्थिक प्रतिबन्ध तयेमजिउगु धयातःगु दु ।
अफगानिस्तानयात तालिबानं कब्जाय् कायेधुंकाः अमेरिका व थीथी देसं थःपिनिगु देशय् च्वंगु बैंकय् तयातःगु अफगानिस्तानया एकाउन्ट फ्रिज यानातःगु दु ।
LEAVE YOUR COMMENTS