अन्तर्राष्ट्रिय

एजेन्सी÷ अफ्रिकाय् छगू दशकया कुतः लिपा तयार जूगु मलेरिया विरुद्धया खोपयात स्वीकृति बिउगु दु । अफ्रिकाय् मलेरियां यानाः यक्व मस्त सिनाच्वंगु खः । खोपया स्वीकृति बिइव मलेरिया विरुद्ध अभियानय् थुकियात ऐतिहासिक सफलताकथं काःगु दु । चिकित्सा क्षेत्रया तःधंगु उपलब्धिकथं थ्व खोपया निर्माणयात काःगु दु । विश्व स्वास्थ्य संगठनं अफ्रिकाया थीथी देसय् खोपया परीक्षण याःगु खः […]

एजेन्सी÷ अमेरिकाया टेक्सास राज्यय् हःगु विवादास्पद गर्भपतन कानूनयात जिल्ला न्यायाधीशं तत्कालया निंतिं लागु मयायेत आदेश बिउगु दु । कानुनया वैधानिकतायात कयाः थीथी न्ह्यसः वयाच्वंगुलिं बाइडेन प्रशासनया इनापय् जिल्ला न्यायाधीश रोबर्ट पिटम्यानं थ्व आदेश बिउगु खः । जिल्ला न्यायाधीश पिटम्यानं बिउगु आदेशकथंं वैधतायात हाथ्या बियाच्वंगु छुं नं कानून कार्यान्वयन जुइ मखु । अमेरिकाया राष्ट्रपति कार्यालयं थ्व […]

एजेन्सी- भारतया कश्मीरया श्रीनगरय् च्वंगु छगू सरकारी स्कुल दुने बिहिवाः संदिग्ध चरमपन्थीतय्सं निम्ह शिक्षकयात स्यानाबिउगु दु । सीपिं निम्ह मध्ये छम्ह स्कूलया प्रधानअध्यापक खः । पुलिसं बिउगु जानकारीकथं गोलीं लायेधुंकांः निम्हेसितं अस्पताल यंकूगु खःसा अस्पतालं उमित मृत घोषणा याःगु खः । जम्मु कश्मीरया पुलिसं छुं न्हि न्ह्यवंनिसें सर्वसाधारणयात लक्षित यानाः थज्याःगु घटना जुयाच्वंगु धाःगु दु […]

एजेन्सी- ताइवानया रक्षामन्त्री चिउ कुओ चेंग वंगु ४० दँया दुने चीन व ताइवान दथुया सैन्य सम्बन्ध दकलय् बांमलाःगु स्थितिइ थ्यंगु धाःगु दु । प्यंन्हु न्ह्यवंनिसें ताइवानया रक्षा क्षेत्रय् चीनया सैनिक विमान दुहां वयाच्वंगुलिं रक्षामन्त्री चिउया थ्व प्रतिक्रिया वःगु खः । रक्षामन्त्री चिउं सन् २०२५ तकया दुने चीनं ताइवानय् हमला यायेफइगु नं धाःगु दु । रक्षामन्त्री […]

एजेन्सी- फेसबुकया छम्ह पुलांम्ह कर्मचारीं अमेरिकाया सांसदतय्त कम्पनीया वेबसाइट व एपं यानाः मस्तय्त हानि यानाच्वंगु, समाजय् विभाजन हयाच्वंगु व लोकतन्त्रयात कमजोर यानाच्वंगु धाःगु दु । फेसबुकया पुलांम्ह कर्मचारी फ्रान्सिस हाउगनं बिउगु जानकारीकथं कम्पनीयाके थ्व विषययात कयाः जानकारी दुसां कम्पनीया वरिष्ठ कर्मचारीतय्सं फाइदायात प्राथमिकता बियाच्वंगु दु । हाउगन फेसुबकय् प्रोजेक्ट म्यानेजर जुयाः ज्या यायेधुंकूम्ह कर्मचारी खः […]

एजेन्सी÷ भारतया उत्तर प्रदेशया लखिमपुर जिल्लाय् निम्ह मन्त्रीतय्सं याःगु भ्रमण लिपा जूगु हिंसात्मक घटना लिपा अन अर्धसैनिक बल छ्वःगु दु । केन्द्रीय गृह मन्त्रालयं लखिमपुरय् शान्ति व्यवस्था कायम यायेत धकाः अर्धसैनिक बलया प्यंगू कम्पनीं उखे छ्वःगु खः । लखिमपुर जिल्लाय् आइतवाः केन्द्रीय गृह राज्यमन्त्री अजय मिश्र टेनी वःगु इलय् किसानतय्सं याःगु विरोध प्रदर्शनया झ्वलय् हिंसात्मक […]