नेपालभाषा एकेदमिया साधारणसभा

किपू–नेपालभाषाया प्राज्ञिक संस्था नेपालभाषा एकेदमिया झिंच्याक्वःगु साधारणसभा थौं जुल । साधारणसभां पुलांगु हे ज्यासना पुचःयात आः वइगु कार्यकालया निंतिं नं निरन्तरता बीगु निर्णय याःगु दु ।

एकेदमिया चान्सलर चित्तरञ्जन नेपालीया सभापतित्वय् किपुलिइ च्वंगु एकेदमिया थःगु हे भवनय् उगु साधारणसभा जूगु खः ।

एकेदमि श्रोतं बिउगु जानकारीकथं न्हूगु ज्यासना पुचलय् चित्तरञ्जन नेपाली चान्सलर, यज्ञरत्न धाःसा भाइस चान्ललर, मल्ल के. सुन्दर सदस्य सचिव, डा. पुष्पराज राजकर्णिकार दांभरिं जुयादीगु दुसा पुलांगु कार्यसमितिइ सहवरणकथं थप न्याम्ह सदस्यपिं नियुक्त याइगु जूगु दु ।

न्हूगु ज्यासना पुचःया आः च्वनीगु मुँज्यां सहवरणकथं न्याम्ह दुजःपिं थप याइगु खँ धाःगु दु ।