नेवाः सञ्चारकर्मीपिंत कोरोनाया शोक

येँ- नेवाः पत्रकार राष्ट्रिय दबू येँ कचाया नायः अर्विन्द्रमान सिंहया मां इन्द्रमाया सिंह मंत । कोरोना संक्रमित जुयाच्वंम्ह वय्कः सामाखुसिया विनायक हस्पिटलय् वासः याकु याकुं मदुगु खः । ६६ दँय् मदुम्ह मय्जु सिंहया जहान लिसें निम्ह काय्पिं दी ।

उकथं हे उज्यालो एफएमया पुलांम्ह कार्यक्रम सञ्चालक नेवाः सञ्चारकर्मी राजेन्द्र शाक्यया मां व बौ निम्हं स्ववाःया दुने मदुगु खँ सीदुगु दु ।

अथे हे मेट्रो एफएमया नेवाः सञ्चारकर्मी लिसें गायिका रीता महर्जनया किजा नं कोरोना संक्रमणं मदुगु खँ सीदुगु दु । वय्कःया किजा ई. कविन्द्र महर्जन वंगु छुं ई न्ह्यवंनिसें मनमोहन अस्पतालय् वासः याकाच्वनादीगु खःसा म्हिगः आइतवाः मदुगु खः । वय्कःया बौ भाजु कृष्णहरि महर्जन नांजाःम्ह समाजसेवी लिसें नेपाः राष्ट्रिय पार्टीया पुलांम्ह सचिव नं खः ।

सम्बन्धित बुखँ

LEAVE YOUR COMMENTS