ने. सं. ११४४ कौलाथ्व चौथी -

थौं आखः व सीप स्यनेगु न्हि श्रीपञ्चमि

येँ – थौं श्रीपञ्चमि । थौं देय्न्यंकंया थीथी थासय् च्वंपिं सुसुद्यःयात पुज्याइगु चलन दु । उकिं थौं स्वयम्भू लिउने च्वंगु मञ्जुश्री लिसें थीथी थाय्या ससुद्यःयाथाय् भीड जुयाच्वंगु दु । थौं खास यानाः ससुसद्यःयात चिकं पाकाः पुजा याइगु खः । स्वयम्भू लिउने च्वंम्ह महामञ्जुश्री चीनं वःम्ह जुयाः वय्कःया तुति त्यानुल जुइ धकाः चिकं पाकीगु खः । थौंया हे न्हि कुन्हु मस्तय्त आखः च्वकाः स्यनेगु लिसें छुं नं कथंया थाज्या आदि न्हूगु सीप व कला स्यनेगु ज्याया नं आरम्भ याइगु चलन दु ।