ने. सं. ११४४ कौलाथ्व पारू - नःलास्वनेगु

युनिसेफया गाडीं ठक्कर नकाः घाःपाः

येँ – थनया लाजिम्पाटय् म्हिगः युनिसेफया गाडीं ठक्कर नकाः मोटरसाइकल चालकयात घाःपाः याना बिउगु दु । घाःपाः जूम्ह चन्डोलय् च्वंम्ह १८ दँया ट्रपिस नेपाल खः । वयात आः राष्ट्रिय ट्रमा सेन्टरय् वासः याकातःगु दु । युनिसेफया ६६–०–००८२ नम्बरया कारं बाइकयात ठक्कर नकूगु खः । उकी लानाः बाइक टुक्रा टुक्रा हे जूगु दु । कार नेदरल्यान्डया नागरिकं चले याना वयाच्वंगु खँ प्रहरीं धाःगु दु ।