स्वयेबहम्ह कासामि

फर्नान्डो मुस्लेरा, गोलकिपर, उरुग्वे

उरुग्वेया छम्ह उत्कृष्ट गोलकिपर खः फर्नान्डो मुस्लेरा । राष्ट्रिय टिमपाखें मुस्लेरायात तःक्वः हे सःतूसां वयात थःगु डेब्यु कासा म्हितेत स्वदँ पीमाल । २००६ निसें राष्ट्रिय टिमय् दुसां मुस्लेरा सन् २००९ य् तिनि उरुग्वेपाखें थःगु न्हापांगु कासा म्हितूगु खः । ३२ दँया मुस्लेरा आतक स्वंगू कोपा अमेरिकाय् ब्वति कायेधुंकूगु दुसा विश्वकपय् नं थ्व वयागु स्वक्वःगु सहभागीता खः ।

दक्षिण अफ्रिकाय् जूगु विश्वकपय् मुस्लेरा दकलय् अप्वः ई तक गोल मनःम्ह कासामि जुयाः रेकर्ड नं तःगु खः । व समूह चरण स्वंगुलिं कासाय् छगू नं गोल मनःसा अन्तिम १६ या ६८ औं मिनेटय् तिनि गोल नःगु खः । थ्व विश्वकपय् नं समूह चरणय् छगू नं गोल मनःम्ह मुस्लेरा अन्तिम १६ य् वयाः तिनि गोल नःगु खः ।