आपतकालीन कार्यसंचालन सक्रिय

येँ – नेपाल रेडक्रस सोसाइटीं आपतकालीन कार्यसंचालन केन्द्र (भ्च्इ)यात सक्रिय याःगु दु । देय्न्यंकं मनसुन सक्रिय जुयाः तसकं वा वयेवं खुसिबाः वयेगु, चलः वनेगु व डुबानय् लाइगु थेंज्याःगु प्राकृतिक विपद्या जोखिम अप्वया वनेवं उकियात ध्यानय् तयाः रेडक्रसं केन्द्रयात सक्रिय याःगु खः ।

केन्द्रं खुसिबाः, चलखं प्रभावित जूपिंत आपतकालीन आवास, स्वास्थ्य व सुचुकुचुया क्षेत्रय् ग्वाहालि याइगु रेडक्रसं न्ह्यथंगु दु ।रेडक्रसया केन्द्रीय कोषाध्यक्ष देवेन्द्र बहादुर प्रधानं केन्द्रया सक्रिय यायेत जूगु बैठकयात संबोधन यासें रेडक्रसया संस्थागत प्रणालीकथं हे थःपिं अत्यावश्यकीय मानवीय सेपाया निंतिं तयारी यायेधुंगु दु धयादिल ।

केन्द्रया योजनाकथं न्हय्गुलिं प्रदेशपाखें दैनिक प्रतिवेदन कायेगु, तत्कालया अवस्था जांच यायेगु, आवश्यक मानवीय ग्वाहालिया निंतिं राहत सामग्री नापं स्वयमसेवक परिचालन याइ । तत्कालया निंतिं रेडक्रसं १० द्वः सेट सामग्री तयारी अवस्थाय् तयातःगु दु ।