प्रदेश २ लय् मांभासं शपथ ग्रहण

प्रदेश नं.२ लय् प्रदेशसभा सदस्यतय्सं थःथःगु मातृभासं शपथ ग्रहण याःगु दु । जनकपुरया उद्योग वाणिज्य संघया हलय् जूगु शपथ ग्रहणय् मैथिली, हिन्दी, नेपाली भासं सपथ ग्रहण याःगु खः ।
२ नं. प्रदेश प्रमुख रत्नेश्वर लाल कायस्थं ज्येष्ठ दुजः लगनलाल चौधरीयात धाःसा नेपाली भासं हे सपथ ग्रहण याकूगु खः । वय्कः एमालेपाखें सिरहा १ क पाखें निर्वाचित जुयादीम्ह खः ।

राजपाया मनिष सुमन, जितेन्द्र सोनल, माओवादीया जगत यादवपिंसं नेपाली भासं शपथ ग्रहण यायेमखु धायेवं छझाः विवाद जूगु खःसा लिपा सकसितं थःथःगु मांभासं शपथ ग्रहण यायेगु व्यवस्था याःगु खः । ज्येष्ठ दुजः चौधरीं नेपाली भासं शपथ ब्वनादीगु खःसा मेपिंसं थःथःगु मांभासं शपथ यानादीगु खः ।

संघीय समाजवादी फोरमं म्हिगः हे प्रदेश १, २ व ५ य् त्यानावंपिं थः सांसदतय्त थःथःगु मांभासं शपथ कायेत ह्वीप जारी यानाछ्वःगु खः । थुकिया लिसें संसफों नेपाः बहुसाँस्कृतिक देय् जूगुलिं थःथःगु पहिचान कथं वसः पुनाः वनेत नं धाःगु खः ।
प्रदेश २ या शपथ लिपा वइगु २१ गते न्हापांगु बैठक च्वनेत प्रदेश प्रमुखं आह्वान नं यानादीगु दु ।